Vaishnavi Hagwane Case : वैष्णवीच्या आत्महत्या प्रकरणात आता निलेश चव्हाणलाही होणार अटक! काय आहे कारण?

Nilesh Chavan News : वैष्णवीच्या आत्महत्ये प्रकरणात फरार सासरे राजेंद्र हगवणे आणि दीर सुशील हगवणे यांना पोलिसांनी शुक्रवारी पहाटे अटक केली. या दोघांना कोर्टाने पाच दिवसांची कोठडी सुनावली आहे. वैष्णवीच्या आत्महत्येप्रकरणी आधीच तिचा नवरा शशांक, सासू लता आणि नणंद करिष्मा अटकेत होते. हगवणे कुटुंबाचा सदस्य नसला तरी करिष्माचा मित्र निलेश चव्हाण याला देखील पोलिस अटक करणार आहेत.

वैष्णवीच्या आत्महत्येनंतर तिचे नऊ महिन्याचे बाळ निलेशने त्याचा जवळ ठेवले होते. ते बाळ परत मिळवण्यासाठी तिचे आई वडील त्याच्याकडे गेले असता त्याने त्यांना बंदूकीचा धाक दाखवून धमकावले. तसेच बाळ देखील दिले नाही. या प्रकरणी वारजे पोलिस ठाण्यात गुन्हा दाखल करण्यात आला आहे. मात्र, निलेश हा फरार आहे. पिंपरी-चिंचवड पोलिसांकडून देखील निलेशचा शोध घेण्यात येत असून त्याच्या शोधासाठी दोन पथके रवाना झाल्याची माहिती आहे.

पिंपरी-चिंचवड पोलिस आयुक्तांना मुख्यमंत्री देवेंद्र फडणवीस आणि उपमुख्यमंत्री अजित पवार यांनी फोन करून कठोर कारवाईचे आदेश दिले आहेत. मात्र, या प्रकरणात निलेश चव्हाण अजुनही पोलिसांना सापडत नसल्याने आश्चर्य व्यक्त केले जात आहे. या आधी देखील पत्नीच्या छळाबाबत निलेश चव्हाणवर वारजे पोलिस ठाण्यात गुन्हा दाखल होता मात्र तेव्हा देखील पोलिसांनी त्याला अटक करण्यास टाळाटाळ केल्याचा आरोप होतो आहे.

निलेशचा काळाकुट्ट इतिहास

निलेश चव्हाण हा वैष्णवीची नणंद करिष्मा हिचा मित्र असल्याचे सांगितले जाते. तो हगवणे परिवारतील घरगुती भांडणांमध्ये देखील असायचा त्याच्या कर्वेनगर कार्यालयात अनेकदा मिटिंग होत होत्या, असे वैष्णवीची मोठी जाऊ मयुरी हिने सांगितले आहे. तो भांडणात करिष्मा कशी बरोबर आहे. तिच्या घरचे कसे बरोबर आहे आणि बाकीचे कसे चुकलेत हे सांगयचा, असे देखील मुयरी यांनी म्हटले होते.

दरम्यान, निलेश याने च्या पत्नीला बेडरूममधील सिलिंग फॅनला स्पायकॅमेरा लावला होता. तो त्यांच्या शरीरसंबंधांचे व्हिडिओ बनवत होता. तसेच पत्नीच्या निदर्शनास संशयास्पद वस्तू आढळल्याने तिने निलेशला जाब विचारला. पत्नीला एकेदिवशी निलेशच्या लॅपटॉपमध्ये दोघांमधील शरीरसंबंधांचे काही व्हिडीओ स्पाय कॅमेऱ्याच्या सहाय्याने रेकॉर्ड केल्याचं दिसून आलं.तिने त्याच्या विरोधात वारजे पोलिस ठाण्यात तक्रार देखील दिली होती.