Sanjay Singh News : भाजपमध्ये चालते भागवतांचे संविधान! संजय सिंह यांचा घणाघात

New Delhi News : दिल्ली मद्य धोरण घोटाळाप्रकरणात अनेक महिने जेलमध्ये राहून बाहेर आलेले आम आदमी पक्षाचे नेते संजय सिंह (Sanjay Singh News) यांनी भाजपवर हल्लाबोल केला आहे. त्यांनी संविधान आणि आरक्षणाच्या मुद्यावरून भाजप आणि आरएसएसला घेरले आहे. भाजपला संविधान बदलायचे आहे. आरक्षण संपवायचे आहे, यासाठी ४०० जागा जिंकायच्या आहेत, अशी टीका संजय सिंह यांनी केली आहे.

राष्ट्रीय स्वयंसेवक संघ (RSS) चे सरसंघचालक मोहन भागवत यांच्या एका व्हिडीओचा संदर्भ देत संजय सिंह यांनी टीका केली आहे. ते म्हणाले की, पहिल्यांदाच आसे झाले की, राष्ट्रीय स्वयंसेवक संघाचे प्रमुख मोहन भागवत (Mohan Bhagwat) यांना पुढे येऊन खुलासा करावा लागला आहे.

भाजपची (BJP) मानसिकता आता समोर आली आहे. आरएसएसकडून खुलासा केला जात आहे. आम्ही म्हणत आलो आहोत, देशात बाबासाहेब आंबेडकर यांचे संविधान चालते. पण भाजपमध्ये भाजप यांचे संविधात चालते. आरक्षण संपावे असे भाजप म्हणत असल्याची टीका सिंह यांनी केली आहे.

 (राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

केंद्रीय गृहमंत्री अमित शाह यांच्यावर टीका करताना संजय सिंह म्हणाले, भाजप 50 वर्षे सत्तेत असेल, असे अमित शाह म्हणत आहेत. याचा अर्ज ते निवडणुका घेणारच नाहीत. भाजपला 400 जागा का हव्या आहेत, याचे कारण निवडणुकाच होऊ द्यायच्या नाहीत, हे आहे. त्यांना संविधान बदलायचे आहे, आरक्षण संपवायचे आहे, अशी टीका सिंह यांनी केली.

मोहन भागवत यांचे स्पष्टीकरण

मोहन भागवत यांचा आरक्षणाबाबतचा एक व्हिडीओ व्हायरल झाला आहे. त्यामध्ये आरक्षण बंद करण्याबाबत बोलले जात आहे. त्यावर रविवारी भागवत यांनी एका कार्यक्रम स्पष्टीकरण दिले आहे. एक बनावट व्हिडीओ चालवला जात आहे. संघ आरक्षणाच्या बाजूने असल्याचेही भागवत यांनी सांगितले.