Karnataka News : पंतप्रधान नरेंद्र मोदींच्या सुरक्षेत पुन्हा एकदा चूक झाल्याचं समोर आलं आहे. नरेंद्र मोदी आज (दि.25 मार्च) कर्नाटकच्या दौऱ्यावर होते. यावेळी त्यांच्या ताफ्यात घुसण्याचा प्रयत्न एका तरुणाने केल्यामुळे सुरक्षा रक्षकांची चांगलीच भंबेरी उडाली.
मात्र, पोलिसांनी या तरुणाला तात्काळ ताब्यात घेतल्यामुळे पुढील अनर्थ टळला. पंतप्रधान नरेंद्र मोदी यांच्या सुरक्षेत गेल्या तीन महिन्यात दुसऱ्यांदा त्रुटी निर्माण झाल्यामुळे सुरक्षा यंत्रणेवर प्रश्चचिन्ह निर्माण करण्यात येत आहेत.
कर्नाटकच्या दावणगिरी येथे आज पंतप्रधान नरेंद्र मोदी यांची रॅली होती. यावेळी त्यांची रॅली जात असताना त्यांना पाहण्यासाठी रस्त्याच्या कडेने नागरिकांनी मोठी गर्दी केली होती. तसेच नरेंद्र मोदींच्या नावाने नागरिक मोठ्या घोषणा देत होते.
याचवेळी एका तरुणाने नरेंद्र मोदी यांच्या दिशेने धावत त्यांच्या गाडीजवळ जाण्याचा प्रयत्न केला. तो तरुण मोदींच्या गाडीजवळ पोहोचणार इतक्यात सुरक्षा रक्षकांनी आणि पोलिसांनी त्याला बाजूला करत ताब्यात घेतलं. दरम्यान, या प्रकारामुळे सुरक्षा यंत्रणेवर प्रश्चचिन्ह निर्माण करण्यात येत आहेत.
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.