Security Measures for Tejashwi Ahead of Elections : बिहार विधानसभा निवडणुकीआधी राजकीय वातावरण चांगलंच तापलं आहे. सत्ताधारी आणि विरोधकांमध्ये आरोपांच्या फैरी झडत आहेत. त्यातच माजी मुख्यमंत्री व राष्ट्रीय जनता दलाच्या नेत्या राबडीदेवी यांच्या एका धक्कादायक दाव्याने बिहारच्या राजकारणात खळबळ उडाली आहे. त्यांचे पुत्र व विरोधी पक्षनेते तेजस्वी यादव यांच्या जीवाला धोका असल्याचा मोठा दावा त्यांनी केला आहे.
तेजस्वी यादव यांची यापूर्वी चारवेळा हत्या करण्याचा प्रयत्न झाला आहे. त्यामुळे त्यांची सरक्षा वाढवावी, अशी मागणी राबडीदेवी यांनी बिहार सरकारकडे केली आहे. बिहार विधानपरिषदेचे कामकाज स्थगित झाल्यानंतर राबडीदेवी यांनी सभागृहाबाहेर येत माध्यमांशी संवाद साधला. यावेळी त्यांनी दावा केला आहे. त्यांनी पहिल्यांदाच असे विधान केले आहे.
भाजपने राबडीदेवी यांचा दावा फेटाळून लावला आहे. भाजपचे प्रदेश अध्यक्ष दिलीप जयस्वाल म्हणाले, तेजस्वी यादव हे विरोधी पक्षनेते आहेत. त्यांना कोणत्याही प्रकारचा धोका नाही. त्यांना वाय दर्जाची सुरक्षा आहे. राबडी देवी आणि लालू प्रसाद यादव यांनाही झेड दर्जाची सुरक्षा आहे. त्यानंतर कुणाला सुरक्षेबाबत चिंता असेल तर सरकार त्यावर विचार करेल. एकमेकांवर आरोप करण्यापेक्षा राज्याच्या विकासावर लक्ष द्यायला हवे.
राबडीदेवी यांनी मुख्यमंत्री नितीश कुमार आणि उपमुख्यमंत्री सम्राट चौधरी यांच्यावरही जोरदार टीका केली. त्या म्हणाल्या, नितीश कुमार यांचा जन्म झाला आणि जगाची निर्मिती झाली का? सगळं काही ते आल्यानंतरच झाले? सरकारचे लोक मर्यादा विसरून शिवीगाळ करत असल्याचा आरोपही राबडीदेवी यांनी केला.
सम्राट चौधरी यांच्यावर टीका करताना राबडीदेवी म्हणाले, आम्ही शिवीगाळ करणारे लोक नाहीत. पण भाजपचे लोक भर सभागृहात कुटुंबाला शिवीगाळ करत आहेत. सत्ताधारी जाणीवपूर्वक सभागृहातील वातावरण बिघडवत आहेत. विरोधकांचा आवाज दाबण्याचा प्रयत्न केला जात असल्याचा आरोपही राबडीदेवी यांनी केला.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.