Rajasthan Politics : राजस्थानमध्ये भाजपची दोन सप्टेंबरपासून परिवर्तन यात्रा; २०० विधानसभा मतदारसंघात पोहोचणार

Rajasthan BJP Parivartan Yatra: राजस्थानमध्ये या वर्षाअखेरीस विधानसभेच्या निवडणुका होणार आहेत.
BJP News
BJP NewsSarkarnama

Rajasthan BJP News : राजस्थानमध्ये (Rajasthan) या वर्षाअखेरीस विधानसभेच्या निवडणुका होणार आहेत. राजस्थानातील काँग्रेसची (Congress) सत्ता घालवण्यासाठी भाजपची जोरदार तयारी सुरू आहे. यासाठीच आता परिवर्तन यात्रा काढण्यात येणार आहे. त्यासाठी भाजपने सर्व तयारी पूर्ण केली आहे. या यात्रेच्या माध्यमातून भारतीय जनता पक्ष राज्यातील सर्व २०० विधानसभा मतदारसंघात पोहोचण्याचा प्रयत्न करणार आहे.

राज्यातील सर्व भाजप नेत्यांना एका व्यासपीठावर एकत्र आणून एकतेचा संदेश देणे हा या यात्रेमागचा एक प्रमुख उद्देश आहे. हा प्रवास संपूर्ण राज्यात सुमारे २३ दिवस चालणार आहे. दुसरीकडे मंगळवारी निवडणूक व्यवस्थापन व निवडणूक निर्णय समितीची बैठक झाली. समितीचे निमंत्रक अर्जुन राम मेघवाल म्हणाले, सुशासन आणि विकास हाच आमचा आधार असेल.

BJP News
Rohit Pawar News : रोहित पवारांकडून पोलखोल ? कांदा खरेदीचा निर्णय १७ ऑगस्टलाच : केंद्र-राज्य सरकारची 'अशीही बनवाबनवी' !

यात्रेच्या माध्यमातून सर्व घटकांशी जिल्हानिहाय संवाद होणार आहे. विविध जिल्ह्यांमध्ये समितीचे कार्यक्रम आयोजित केले जातील. सर्व विभागांशी चर्चा करून भाजप (BJP) जाहीरनामा तयार करणार असल्याचे मेघवाल यांनी सांगितले. यासोबतच वकील, डॉक्टर, इंजिनिअर, शेतकरी, मजूर, तरुण, महिला सर्वांशी चर्चा करून संवादाची ब्ल्यू प्रिंट तयार करण्यात येणार आहे.

BJP News
Ahmednagar Politics : नगर जिल्ह्यात ठाकरेंची ताकद वाढणार ; भाऊसाहेब वाकचौरे अन् काँग्रेसचे छल्लारे गुरुवारी शिवबंधन बांधणार

निवडणुका लक्षात घेऊन शैक्षणिक आणि धार्मिक संघटनांशीही चर्चा केली जाणार आहे. मंदिरांसह सर्व धार्मिक स्थळी जाऊन चर्चा करणार आहे. चारही निवडणूक परिवर्तन यात्रेत सूचना पेटीच्या माध्यमातून जनतेच्या सूचना घेतल्या जाणार आहेत. २०० विधानसभा मतदारसंघातील आकांक्षा संकल्प सूचना पेटीच्या माध्यमातून सर्वसामान्यांना बॉक्समध्ये मांडता येणार आहेत. या सूचनांच्या माध्यमातून जाहिरनामा तयार केला जाणार, असल्याचे भाजपच्या वतीने सांगण्यात आले आहे.

Edited by : Amol Jaybhaye

Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुकट्विटरइन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.

Related Stories

No stories found.
Politics News on Sarkarnama
sarkarnama.esakal.com