CJI Dhananjay Chandrachud News : सुप्रीम कोर्टाला 'तारीख पे तारीख' देणारी संस्था होऊ देणार नाही; सरन्यायाधीशांनी वकिलांना सुनावले

Delhi News : सर्वोच्च न्यायालयाचे सरन्यायाधीश धनंजय चंद्रचूड यांनी न्यायालयापुढील खटल्यांबाबत होणाऱ्या 'तारीख पे तारीख'च्या न्यायालयीन पद्धतीवर नाराजी व्यक्त केली आहे. चंद्रचूड यांनी स्पष्ट केले आहे की, न्यायालयाची आता 'तारीख पे तारीख' सारखी पद्धती होऊ देणार नाही. प्रकरणं दाखल करण्याच्या आणि न्यायालयाच्या सुधारणेच्या प्रक्रियेतवरही याचा परिणाम होतो. सोबतच त्यांनी बारच्या सदस्यांना आवाहन केले आहे की, अतिआवश्यक असेल तेव्हाच प्रकरणांना स्थगिती मागावी. प्रलंबित खटले लवकरात लवकर निकाली काढण्याचे प्रयत्न केले पाहिजेत. (Latest Marathi News)

आज शुक्रवारी (दि.३ नोव्हे.) सरन्यायाधीश चंद्रचूड यांनी अशा प्रकरणांची माहिती दिली ज्यामध्ये स्थगितीची मागणी केली जात होती. ते म्हणाले "अवघ्या दोन महिन्यांत 3 हजार 688 प्रकरणांमध्ये स्थगितीची मागणी करण्यात आली आहे, तर बहुतांश प्रकरणे तातडीने सुनावणीसाठीची होती. आम्ही न्यायालयांना तारीख पे तारीख देणाऱ्या कार्यपद्धतीचे होऊ देणार नाही. इतकी प्रकरणे जर दीर्घ काळ प्रलंबित राहत असतील तर ते न्यायालयाच्या प्रतिमेसाठी चांगले नाही."

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

'न्यायालयात प्रकरण दाखल करण्यापासून ते पहिल्या सुनावणीसाठी येईपर्यंतच्या प्रक्रियेवर मी लक्ष ठेवून आहे, यासाठी कमीत कमी वेळ लागेल, याची खबरदारी घेत आहे. जर आपण माझ्याकडे असलेल्या माहितीशी याची तुलना केली, तर असे दिसून येते की आज एका दिवसातील 178 प्रकरणांमध्ये स्थगितीची मागणी करण्यात आली आहे.

'दररोज सरासरी १५४ प्रकरणे तहकूब होतात. गेल्या दोन महिन्यांत एकूण 3688 निकालपत्रे झाली आहेत. त्यामुळे खटला दाखल करून सुनावणीसाठी यादी करण्याचे प्रयत्न कमी पडतात. या कालावधीत स्थगित केलेल्या प्रकरणांची संख्या सूचीबद्ध प्रकरणांपेक्षा तीन पट जास्त होते. या प्रकरणांवर लवकरच सुनावणी होणे अपेक्षित असताना, याच प्रकरणांमध्ये पुन्हा स्थगिती मागितली जात आहे. 'मी बारच्या सदस्यांना विनंती करतो की, ते गरजेचे असल्याशिवाय प्रकरणांना स्थगिती मागू नका, न्यायालयाला तारीख पे तारीखे द्यायला लावू नये."

(Edited By - Chetan Zadpe)