Pager attack Masterstroke by Israel : मागील महिन्यात १७ सप्टेंबर रोजी इस्त्रायलने संपूर्ण लेबनानमध्ये एकाचवेळी तब्बल पाच हजार पेजर्समध्ये स्फोट घडवून आणून संपूर्ण जगात खळबळ माजवली होती. या स्फोटांमध्ये तब्बल चार हजार लोक जखमी झाले होते. स्फोटांमुळे हिजबुल्लाहच्या १५०० सैनिकांना हात आणि डोळेही गमावावे लागले. आता इस्त्रायलच्या या पेजर हल्ल्याच्या रणनीतीला भारताचे लष्कर प्रमुख जनरल उपेंद्र द्विवेदी यांनी मास्टरस्ट्रोक म्हटलं आहे.
मंगळवारी लष्करप्रमुख जनरल उपेंद्र द्विवेदी यांना या इस्त्रायलच्या पेजर हल्ल्याशी निगडीत प्रश्न विचारला गेला होता. यावर त्यांनी म्हटले की, ज्या पेजरबाबत बोललं जात आहे, त्यास ताइवानच्या कंपनीच्या नावावर तयार केले गेले. यानंतर हंगेरीच्या एका कंपनीने ब्रॅण्ड नावाचा वापर करून ह हे पेजर हिजबुल्लापर्यंत पोहचवले.
लष्कर प्रमुखांनी सांगितलं की, युद्धाची सुरुवात लढाईच्या दिवसापासून होत नाही. तर हे त्या दिवसापासून सुरू होते, ज्या दिवसापासून प्लॅन बनवने सुरू होते. पेजर हल्ल्याच्या प्लॅनसाठी अनेक अनेक वर्षांच्या तयारीची आवश्यकता असते. हल्ल्याने हे स्पष्ट झाले की इस्त्रायल यासाठी तयार होते.
जेव्हा लष्कर प्रमुखांना विचारलं गेलं की, भारत पेजर हल्ल्यांपासून कसा वाचू शकतो. यावर त्यांनी सांगितले की, पुरवठा साखळीत व्यत्यय येण्यासारख्या गोष्टी आहेत. यासाठी खूप सावध रहावे लागेल. आपल्या अनेक पातळ्यांवर बारकईनेन निरीक्षण करावे लागेल. पुरवठा साखळीतील गडबडीपासून वाचावं लागेल. तांत्रिक आणि मानवी स्तरावर सखोल चौकशी करावी लागेल, जेणेकरून अशा घटना होवू नयेत.
(Edited by - Mayur Ratnaparkhe)
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.