New Delhi : महाराष्ट्रात विधानसभा निवडणुकीची तयारी करणाऱ्या दोन पक्षांना जम्मू आणि काश्मीरच्या निवडणुकीत मोठा झटका बसला आहे. उपमुख्यमंत्री अजित पवार यांचा राष्ट्रवादी काँग्रेस तर उध्दव ठाकरेंच्या शिवसेनेच्या बहुतेक सर्व उमेदवारांचे डिपॉझिट जप्त होईल, अशी स्थिती आहे.
राष्ट्रवादी काँग्रेसने भाजपशी आघाडी न करता स्वतंत्रपणे निवडणूक लढवली. काही मोजक्यात मतदारसंघात अजितदादांनी उमेदवार उतरवले होते. पण एकाही मतदारसंघात पक्षाला आपले अस्तित्वही दाखवता आले नाही. काही मतदारसंघात तर पक्षाचे उमेदवार तळाशी राहिले आहे. अपक्ष आणि नोटापेक्षाही कमी मते राष्ट्रवादीच्या उमेदावारांना मिळाली आहेत.
उध्दव ठाकरे यांच्या शिवसेनेचीही अशीच गत झाली आहे. काही मतदारसंघात शिवसेनेने उतरवले उमेदवार पराभूत झाले. सर्वांचे डिपॉझिट जप्त झाले आहे. विजयी उमेदवार आणि या दोन्ही पक्षांच्या उमेदवारांच्या मतांमध्ये मोठे अंतर असल्याचे दिसते.
1. हजरतबल - सलमान सागर (नॅशनल कॉन्फरन्स) - 18890, शादीब खान – 96
2. पुलवामा - वहीद पारा (पीडीपी) - 25627, इश्तियाक शेख (राष्ट्रवादी) - 400
3. राजपुरा - गुलाम मीर (नॅशनल कॉन्फरन्स) - 8510, अरुण कुमार रैना (राष्ट्रवादी) - 177
4. बिरवाह - शफी वाणी (नॅशनल कॉन्फरन्स) - 20118, नाजीर खान (राष्ट्रवादी) - 431
5. खानसाहिब - सैफ उददीन भट (नॅशनल कॉन्फरन्स) - 33225, शहनाज शाह (राष्ट्रवादी) - 206
6. बाहू – विक्रम रंधवा (भाजप) – 40385, बिशन दास बबोरिया (राष्ट्रवादी) – 136
7. ईदगाह – मुबारिक गुल (नॅशलन कॉन्फरन्स) – 7700, निसार अहमद दर (राष्ट्रवादी) - 65
8. भदरवाह – दिलीप सिंह (भाजप) – 42128, विनोद कुमार (शिवसेना UBT) – 165
9. बिशनाह – राजीव कुमार (भाजप) – 53435, जय भारत (शिवसेना UBT) – 475
10. डोडा पश्चिम – शक्ती राज परिहार (भाजप) – 33964, तिलक राज शान (शिवसेना UBT) - 162
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.