Amit Shah : अमित शाहांच्या बुद्धिबळ पटावर फक्त पांढऱ्याच सोंगट्या...

UP Politics : केंद्रीय गृहमंत्री अमित शाह यांनी सोशल मीडियावर आपल्या दोन नातवांसोबतचा एक फोटो शेअर केला असून या फोटोमध्ये ते आपल्या नातवांसोबत बुद्धिबळ खेळताना दिसत आहेत. गृहमंत्री अमित शाह यांच्या या छायाचित्रात राष्ट्रीय लोकदलाचे अध्यक्ष जयंत चौधरी यांनी प्रश्न विचारला आहे. जयंत चौधरी हा प्रश्न सध्या चर्चेत आहे. 

गृहमंत्री अमित शाह आपल्या दोन नातवंडांसोबत बुद्धिबळ खेळत आहेत आणि हा फोटो शेअर  करून त्यावर - "चांगल्या चालीसाठी तडजोड करू नका, परंतु नेहमी चांगल्यासाठी पहा."असे  कॅप्शन लिहिले आहे. त्यांचा हा फोटो शेअर करताना जयंत चौधरी यांनी सोशल मीडिया प्लॅटफॉर्म वर लिहिले आहे की हा फोटो  "क्यूट! आहे  पण बुद्धिबळाच्या खेळात काळा आणि पांढरा असे दोन रंगाच्या सोंगट्या असतात, परंतु यांच्या बुद्धिबळाच्या पटावर फक्त पांढऱ्या रंगाच्याच सोंगट्या आहेत. 

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

अमित शाह यांना राजकारणाचे चाणक्य मानले जाते आणि ते निवडणुकीच्या वेळी भाजपसाठी सर्व काही पाहतात. अमित शाह यांच्या नेतृत्वाखाली भाजपने अनेक राज्यांमध्ये निवडणुका जिंकल्या असून त्यांच्या रणनीतीमुळे विरोधी पक्षांना पराभवाला सामोरे जावे लागले आहे. सध्या जयंत चौधरी लोकसभा निवडणुकीच्या 2024 च्या तयारीत व्यस्त आहेत. सध्या जयंत चौधरी विरोधी पक्षांच्या I.N.D.I.A आघाडीचा एक भाग आहेत.

यूपीमध्ये जयंत चौधरी सपा प्रमुख अखिलेश यादव यांच्यासोबत आहेत आणि ते दोघेही यूपी विधानसभा निवडणुकीत एकत्र लढले होते. आता जयंत चौधरी लोकसभा निवडणुकीसाठी पश्चिम उत्तर प्रदेशातील अनेक जागांवर दावा करत आहेत. नुकत्याच झालेल्या राजस्थान विधानसभा निवडणुकीत जयंत चौधरी यांच्या पक्ष RLD ने एक जागा लढवली आणि ती जागा त्यांनी जिंकली आहे. राजस्थानमध्ये आरएलडीने काँग्रेससोबत आघाडी करून निवडणूक लढवली होती.