Kareena Kapoor Meet PM : तैमूर अन् जहांगीरसाठी करिनाने घेतली पंतप्रधान मोदींकडून 'ही' खास भेट

New Delhi News: भारतीय चित्रपटसृष्टीतील ज्येष्ठ अभिनेते राज कपूर यांच्या जन्मशताब्दी सोहळ्यानिमित्त आयोजित चित्रपट महोत्सवासाठी पंतप्रधानांना आमंत्रित करण्यातसाठी बॉलिवूडमधील आघाडीच्या कलाकारांसह कपूर कुटुंबियांनी 10 डिसेंबरला पंतप्रधान नरेंद्र मोदी यांची भेट घेतली.

या भेटीदरम्यान अभिनेत्री करिना कपूरने तिच्या दोन्ही मुलांसाठी पंतप्रधान नरेंद्र मोदी यांचा खास ऑटोग्राफ घेतला. मोदींनी टीम (तैमूर) आणि जेह या दोन्ही मुलांची नावं लिहित एका कागदावर त्यांचा ऑटोग्राफ दिला. करीनाने तिच्या इंस्टाग्राम स्टोरीजमध्ये हा फोटो शेअर केला आहे. यावेळी रणबीर कपूर, आलिया भट्ट, करिना कपूर, सैफ अली खान, करिष्मा कपूर, नीतू कपूर, रिद्धिमा कपूर सहानी, आदर जैन हे सर्वजण यावेळी उपस्थित होते.

कपूर कुटुंब दिवंगत अभिनेते-दिग्दर्शक राज कपूर यांना श्रद्धांजली वाहण्यासाठी फिल्म हेरिटेज फाउंडेशन आणि नॅशनल फिल्म आर्काइव्ह ऑफ इंडिया यांच्या संयुक्त विद्यमाने चित्रपट महोत्सवाचे आयोजन केले आहे. या महोत्सवात राज कपूर यांचे 10 चित्रपट पुन्हा एकदा थिएटरमध्ये प्रदर्शित केले जाणार आहेत.

करिना कपूर-करिश्मा आणि इतर सदस्यांनी पंतप्रधानांसोबतच्या त्यांच्या भेटीचे कधीही न पाहिलेले फोटो इन्स्टाग्रामवर शेअर केले आहेत करिश्मा कपूरनेही पंतप्रधान मोदींकडून मुलांचा ऑटोग्राफ घेतला. कपूर कुटुंबाने पंतप्रधानांचे मनापासून आभार मानले आहेत.

कोणते चित्रपट दाखवले जातील?

13 ते 15 डिसेंबर 2024 या कालावधीत होणाऱ्या या अनोख्या फिल्म फेस्टिव्हलमध्ये राज कपूर अभिनीत एकूण 10 चित्रपट दाखवले जाणार आहेत. PVR-Inox आणि Cinepolis थिएटरमध्ये स्क्रिनिंग होणार असून, तिकीटाची किंमत 100 रुपये ठेवण्यात आली आहे.

ज्यात 'आग', 'बरसात', 'आवारा', 'श्री 420' आणि 'मेरा नाम जोकर' सारख्या कालातीत क्लासिक चित्रपटांचा समावेश आहे. भारतीय आणि जागतिक चित्रपटसृष्टीवर छाप सोडलेले हे चित्रपट पुन्हा प्रदर्शित झाल्याने प्रेक्षकांसाठी पर्वणी ठरणार आहे.