BJP MLA : 'मी मुख्यमंत्री असल्यासारखाच… मुख्य सचिव, कलेक्टरही नाही म्हणणार नाहीत;' भाजप आमदार नाराज?

Madhya Pradesh News : मध्य प्रदेशचे मुख्यमंत्री मोहन यादव यांच्या मंत्रिमंडळात अनेक नवीन चेहऱ्यांना संधी देण्यात आली आहे. त्यानंतर ज्येष्ठ आमदारांची नाराजी आता बाहेर येऊ लागली आहे. गोपाळ भार्गव यांनीही एका कार्यक्रमात बोलताना नऊ वेळा आमदार झालेले मुख्यमंत्र्यांसारखेच असतात, असे विधान केले आहे.

भार्गव (Goapl Bhargav) हे माजी मंत्री असून रहली विधानसभा मतदारसंघाचे प्रतिनिधित्व करतात. रविवारी विकसित भारत (Vikasit Bharat) संकल्पयात्रेदरम्यान त्यांनी नाराजीचे संकेत दिले. ते म्हणाले, लोक मला म्हणतात की, तुमचे मंत्रिपद गेले आता काय होणार? मी त्यांना एवढंच सांगेन की, मी गोपाळ भार्गव बोलतोय, असं सांगितल्यानंतर राज्याचे मुख्य सचिव, कलेक्टरही मला कोणत्याही कामासाठी नाही, म्हणणार नाहीत. (Latest Marathi News)

मी 20 वर्षे विरोधक म्हणून, विधानसभेच्या (Assembly) माध्यमातून आपली मदत केली आहे. 2003 मध्ये भाजप (BJP) सरकारमध्ये कॅबिनेटमंत्री होतो. कृषी, प्रशासन, सहकार असे आठ मोठे विभाग माझ्याकडे होते. आजपर्यंतच्या मध्य प्रदेशच्या इतिहासात हे कुणालाही जमले नाही. तरुण तर मला आजही मंत्रीच समजतात, असे भार्गव यांनी सांगितले.

(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)

कुटुंबातील ज्येष्ठाला काहीतरी त्याग करावाच लागतो, असे सांगताना भार्गव यांची नाराजी समोर आली. आता नवीन लोकांना घ्यायचे असल्याचे पक्षाने सांगितले. मी त्यांना ठीक म्हणालो. तुमची आजपर्यंत केलेली सेवाच माझी संपत्ती आहे. मतदारसंघात विविध योजनांचा अधिकाधिक फायदा मिळवून दिल्याचेही भार्गव यांनी सांगितले.

दरम्यान, मध्य प्रदेशचे मुख्यमंत्री मोहन यादव यांची निवड झाल्यानंतर अनेकांना धक्का बसला होता. मुख्यमंत्रिपदाच्या शर्यतीतही त्यांचे नाव नव्हते. या पार्श्वभूमीवर ज्येष्ठ आमदारांमधील सुप्त नाराजी आता बाहेर येऊ लागली आहे. भार्गव यांनी यावर थेट भाष्य केले नसले तरी त्यांच्या बोलण्याचा रोख नेमका कुणाकडे होता, हे स्पष्टपणे दिसते.