PM Modi Podcast Video: पहिल्याच पॉडकास्टमध्ये मोदी म्हणाले, चुका माझ्याकडूनही होतात, मी काही देव नाही...,"

PM Modi Nikhil Kamath Podcast: निखिल कामथ यांच्या 'पीपल बाई डब्ल्यूटीएफ'या पॉडकास्टचे पुढील अतिथी पंतप्रधान नरेंद्र मोदी असणार आहेत. निखिल कामथ यांनी या एपिसोडची माहिती देण्यासाठी सोशल मीडियावर दोन मिनिटांचा व्हिडिओ शेअर केला आहे.

हा माझा पहिलाच पॉडकास्ट आहे, हा एपिसोड प्रेक्षकांपर्यंत कसा जाईल, हे मला माहित नाही. तुमच्यासमोर मला भीती वाटत आहे, असे मोदी म्हणाले. 'पंतप्रधान नरेंद्र मोदी यांच्यासोबत जनता' असे शीर्षक या एपिसोडला देण्यात आले आहे.

या एपिसोडचा ट्रेलर मोदी यांनी शेअर केला आहे 'हा एपिसोड करताना मला आनंद झाला. असाच आनंद तुम्हीही पाहताना घ्या,' असे सांगत मोदींनी निखिल कामथ यांच्या व्हिडिओ शेअर केला आहे. हा एपिसोड कधी प्रदर्शित होईल, याबाबत अद्याप तारीख जाहीर करण्यात आलेली नाही. निखिल कामथ यांनी हा ट्रेलर इंटरनेट मीडिया यावरुन शेअर केला आहे.

राजकारण आणि उद्योगविश्व यातील संबध कसे असावे, याबाबतच्या माहितीसाठी हा पॉडकास्ट असल्याचे कामथ यांनी मोदींना सांगितले आहे. युक्रेन आणि रशिया यांच्यात सुरु असलेल्या युद्धाबाबत कामथ यांनी मोदींना प्रश्न विचारला आहे.याबाबत मोदींना आपली भूमिका स्पष्ट केली आहे. जगात शांतता नांदावी, अशी आपली भूमिका असल्याचे मोदींनी सांगितले.

युवक राजकारणाकडे कसे पाहतात, याबाबत कामथ यांनी मोदींना सांगितले. युवकांनी राजकारणात यायचे असले तर त्यांच्याकडे काय गुण आवश्यक आहे, असा प्रश्न त्यांना विचारण्यात आला. यावर मोदी म्हणाले, "राजकारणात नेहमीत चांगल्या लोकांना मिशन घेऊन येणे गरजेचे आहे, चुका सगळ्यांकडून होतात, माझ्याकडूनही चुका होतात, मी काही देवता नाही,"

मोदी पॉडकास्टमध्ये म्हणाले...

• तरुणांनी महत्त्वाकांक्षेने नव्हे तर ध्येय घेऊन राजकारणात यावे

• मी पण माणूस आहे, देव नाही, चुका माझ्याकडूनही होतात.

• पहिल्या टर्ममध्ये लोक मला समजून घेण्याचा प्रयत्न करत होते आणि मीही दिल्लीला समजून घेण्याचा प्रयत्न करत होतो.'

• युद्धाबाबत आम्ही सातत्याने म्हणत आलो आहोत की आम्ही (भारत) तटस्थ नाही, मी शांततेच्या बाजूने आहे.

• चांगली माणसे राजकारणात आली पाहिजे.