Priyanka Gandhi : अमित शाह, नरेंद्र मोदींना विचारले का? प्रियंका गांधी प्रचंड संतापल्या, गाडीत बसून निघून गेल्या...

Priyanka Gandhi News : नीट पेपर फुटी वादानंतर शिक्षणमंत्री धमेंद्र प्रधान यांच्या राजीनाम्यावरून प्रियंका गांधी आक्रमक झाल्या आहेत. आज सत्ताधारी खासदार आणि विरोधकांनी एकमेकांच्या विरोधात संसद परिसरात जोरदार घोषणाबाजी केली.दरम्यान, पत्रकारांनी संसदचे अधिवेशन चालत नसल्याबद्दल प्रियंका गांधी यांना प्रश्न केला.

त्यावर बोलताना त्या म्हणाल्या, येवढे मोठे आंदोलन सुरू आहे. मात्र, पंतप्रधान नरेंद्र मोदी हे संसदेत आले नाही. आणि तुम्ही मला प्रश्न विचारताय की संसद का नाही चालत?

प्रियंका गांधी यांनी पत्रकारांना प्रतिप्रश्न करत म्हटले की, तुम्ही धमेंद्र प्रधान राजीनामा का देत नाहीत? याचा प्रश्न विचारला का? आंदोलन करणाऱ्या मुलांना का मारले गेले, ते दवाखान्यात आहेत? त्याबाबत गृहमंत्री अमित शाह यांना प्रश्न विचारला का?

नेट बंद केले आहे, आई-वडील आपल्या मुलांशी बोलू शकत नाहीत. राष्ट्रीय सुरक्षा कायदा लावला जात आहे, ते आंतकवादी आहेत का? याबाबत तुम्ही प्रश्न विचारला का? असा संतप्त सवाल देखील त्यांनी केला.

संसदेचे कामकाज स्थगित

सकाळी लोकसभेचे कामकाज सुरू झाल्यानंतर धमेंद्र प्रधान यांच्या राजीनाम्यासाठी विरोधी पक्षाचे खासदार आक्रमक झाले होते.त्यामध्ये सभागृहात गोंधळ झाला दरम्यान, लोकसभेचे कामकाज आज दिवसभरासाठी स्थगित करण्यात आले. मंत्री किरण रिजुजी यांनी सांगितले की, आम्ही चर्चेसाठी तयार आहेत. संसदेत आम्ही चर्चा करू. मात्र,विरोधकांनी धमेंद्र प्रधान यांच्या राजीनाम्याशिवाय चर्चा करणार नसल्याचा आक्रमक पवित्रा घेतला.