Mohan Bhagwat : भाजपच्या अध्यक्षपदाबाबत सरसंघचालक मोहन भागवतांचे सूचक वक्तव्य, 'आम्ही निवडत असू तर...'

Mohan Bhagwat News : लोकसभा निवडणुकीच्या निकालापासून भाजपचे राष्ट्रीय अध्यक्षपद रिक्त आहे. जेपी नड्डा यांना मंत्रिमंडळात स्थान दिल्यानंतर भाजपचा पुढील अध्यक्ष कोण याचे उत्तर मिळू शकले नाही. राष्ट्रीय स्वयंसेवक संघ भाजपच्या अध्यक्ष ठरवणार असल्याची चर्चा होती. संघाच्या ग्रीन सिग्नल मिळत नसल्यामुळे अध्यक्षपदाची नेमणूक रखडल्याची चर्चा होती. अखेर या बाबत सरसंघचालक यांनी आपली भूमिका स्पष्ट केली आहे.

भाजपच्या अध्यक्षपदाच्या निर्णयाला होणाऱ्या विलंबाबत सूचक भाष्य करताना म्हणाले, 'आपण निर्णय घेत असतो तर एवढा वेळ लागला असता का त्यांनी (भाजप) आपल्या वेळेनुसार ठरवावे.' भागवतांच्या या वक्तव्यामुळे अध्यक्ष निवडण्यात भाजपकडूनच विलंब होत असून त्यात संघाचा काही सहभाग नसल्याचे स्पष्ट झालेचे सांगितले जात आहे.

दिल्लीत संघाच्या शताब्दनिमित्त आयोजित व्याखानमालेच्या समरोप झाला. त्यावेळी भागवत बोलत होते. कार्यक्रमानंतर त्यांनी एका प्रश्नाला उत्तर देताना म्हटले की, संघाचा सरकारशी वाद नाही. संघाला शाखा चालवण्याचा अनुभव आहे. कोणी, सूचना किंवा सल्ला दिला ऐकेन पण पक्ष म्हणून देश चालवण्याचा अनुभव भाजपला आहे त्यात ते तज्ज्ञ आहे संघ नाही.

75 वर्षांच्या निवृत्तीवर बोललो नाही

मागील एका कार्यक्रमात मोरोपंत पिंगळे यांचे उदाहरण देत त्यांनी म्हटले होती , पंचाहत्तरीची शाल अंगावर पडल्यानंतर आता वय झाले ते काय घडते ते पाहावे, असे म्हटले होते. मात्र, या संदर्भात त्यांना प्रश्न विचारला असता ते म्हणाले, 75 वर्षानंतर निवृत्त व्हावे असे आपण कधीच कोणाला सांगितलेले नाही. तसेच 75 वर्षानंतर आपण स्वतःच्या किंवा इतरांच्या निवृत्तीबद्दल बोललेलो नाही.