Mamata Banerjee On Amit Shah Call: तर मी राजीनामा देईल... ममता बॅनर्जींचे सत्ताधाऱ्यांना खुले आव्हान

Mamata Banerjee On Amit Shah Call | तृणमुल काँग्रेसचा राष्ट्रीय पक्षाचा दर्जा रद्द झाल्यानंतर मुख्यमंत्री ममता बॅनर्जी यांनी पक्षाला राष्ट्रीय दर्जा परत मिळावा यासाठी केंद्रीय गृहमंत्री अमित शहा यांना फोन केला होता, अशा चर्चा सुरु झाल्या आहेत. यावर खुद्द ममता बॅनर्जी (Mamata Banerjee) यांनीच प्रतिक्रिया दिली आहे. '' तृणमुल काँग्रेसचा राष्ट्रीय पक्षाचा दर्जा परत मिळावा यासाठी मी अमित शहा यांना फोन केल्याची बाब खरी ठरली तर मी राजीनामा देईल. असं ममता बॅनर्जी यांनी म्हटलं आहे. (So I will resign... Mamata Banerjee's open challenge to the rulers)

तृणमूल काँग्रेसला (Trinmool Congress) राष्ट्रीय पक्षाचा दर्जा मिळवण्यासाठी ममता बॅनर्जी यांनी अमित शहांना चार वेळा फोन केल्याची चर्चा राजकीय वर्तुळात सुरु झाली आहे. पण मला भारतीय राजकारण चांगलेच कळते. आमच्या चार आमदारांना अटक केली आहे. अशा अफवा पसरवणाऱ्यांवर गुन्हे दाखल करणार असून ज्यांनी या अफवा पसरवल्या आहेत त्यांना माफी मागायला लावू, असा इशाराही ममता बॅनर्जी यांनी दिला आहे.

केंद्रीय एजन्सीसोबत मिळून हे सर्वजण माझ्याविरोधात कट रचला जात आहे. हे लोक सरकारच्या पैशावर निवडणूक लढवतात.भाजप हा देशातील सर्वात भ्रष्ट पक्ष आहे. आम्ही राष्ट्रीय पक्ष होतो, आहोत आणि राहणार आहोत. आम्ही न्यायालयाचा पूर्ण आदर करतो. पण माझी जनतेला विनंती आहे की, भाजपच्या जाळ्यात अडकू नका. भाजप देशातील लोकांना आपापसात लढवत आहे, असही त्यांनी म्हटलं आहे.

कोणाच्याही मेहरबानीमुळे राष्ट्रीय पक्षाचा दर्जा मिळालेला नाही. आम्ही भाजपला विरोध करतो म्हणून आमचे इतके आमदार-खासदार निवडून आले नाहीत. माझ्या पक्षाचे नाव ऑल इंडिया तृणमूल काँग्रेस आहे. 2024 च्या लोकसभा निवडणुकीत भाजप 200 जागांचा आकडा पार करू शकणार नाही, असा खुला इशाराही ममता बॅनर्जी यांनी दिला आहे.

Edited By- Anuradha Dhawade