![Sonia Gandhi On Women Reservation :](http://media.assettype.com/sarkarnama%2F2023-09%2Ffe3d9377-2bcc-4bd0-a890-8e6d0e4ae444%2FUntitled_design___2023_09_20T093226_137.jpg?w=480&auto=format%2Ccompress&fit=max)
Delhi News : संसदेच्या विशेष अधिवेशनाचा आज तिसरा दिवस आहे. ऐतिहासिक अशा 'महिला आरक्षण विधेयका'वर आज लोकसभेत चर्चा होणार आहे. काँग्रेसच्या माजी अध्यक्षा सोनिया गांधी या विधेयकावर काँग्रेसकडून मुख्य वक्त्या असणार आहेत. या विधेयकावर सोनिया गांधी आपली सविस्तर भूमिका मांडणार आहेत. (Latest Marathi News)
सोनिया गांधी यांच्या संसदेतील संबोधनात, मित्रपक्षांच्या आणि विशेषत: राष्ट्रीय जनता दल, जनता दल युनायटेड आणि समाजवादी पार्टी यांची या विधेयकावर असलेल्या भूमिकेबाबत त्या काय बोलणार याकडे ही सर्वांचे लक्ष लागले आहे. संसदेच्या सध्या सुरू असलेल्या विशेष अधिवेशनात केंद्रीय कायदा मंत्री अर्जुन राम मेघवाल यांनी काल महिला आरक्षण विधेयक सभागृहात ते मांडले.
या विधेयकात लोकसभा आणि राज्यांच्या विधानसभांमध्ये महिलांसाठी एक तृतीयांश जागा राखीव ठेवण्याची तरतूद आहे. केंद्रीय मंत्रिमंडळाने सोमवारी महिला आरक्षण विधेयकाला मंजुरी दिली. आज सकाळी 11 वाजता सभागृहाचे कामकाज सुरू होईल, तेव्हा यावर चर्चा होईल.
(Edited By - Chetan Zadpe)
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.