US Presidential Election 2024 : अमेरिकेसाठी भारतीय वंशाच्या राष्ट्राध्यक्ष चांगला पर्याय; ट्रम्प असं का म्हणाले?

America News : नव्या वर्षात भारतातच नव्हे तर अमेरिकेतही निवडणुका होणार आहेत. अमेरिकेतील 2024 ची अध्यक्षीय निवडणूक दिवसेंदिवस अधिकच रंजक होत आहे. याबाबत अमेरिकेचे माजी अध्यक्ष डोनाल्ड ट्रम्प यांनी म्हटले आहे की, बायडेनपेक्षा वाईट राष्ट्राध्यक्ष कोणीही असू शकत नाही. सद्यस्थितीत त्याचे मानसिक संतूलन चांगले नाही. ट्रम्प यांनी बायडेन यांच्या तुलनेत कमला हॅरिसची यांची वकिली केली आहे. भारतीय वंशाच्या कमला हॅरिस अमेरिका चांगल्या रितीने चालवू शकतात, असेही ट्रम्प म्हणाले. (Latest Marathi News)

रिपब्लिकन पक्षाकडून 2024 चे अध्यक्षपदाचे दावेदार डोनाल्ड ट्रम्प यांनी शुक्रवारी दावा केला की, उपराष्ट्रपती कमला हॅरिस या त्यांच्या बॉस जो बायडेन यांच्यापेक्षा चांगल्या अध्यक्ष ठरू शकतात. कमला हॅरिस या बायडेन यांच्यापेक्षा चांगल्या उमेदवार असल्याचा दावा ट्रम्प यांनी केला आहे. एका वृत्तवाहिनीशी ते बोलत होते. बायडेन यांना अध्यक्षीय मतदान हे खरे तर हॅरिस यांना दिलेले मत आहे. 2024 मध्ये राष्ट्रपतींचे वय आणि मानसिक ताकद यावर गंभीर चिंता व्यक्त केली, असेही ट्रम्प म्हणाले.

बायडेनपेक्षा वाईट राष्ट्रपती नाही

ट्रम्प म्हणाले, 'असे दिसते की, बायडेन बर्‍याच कारणांमुळे अडकले आहेत. मला वाटते की त्यांना निर्णय घ्यावा लागेल. जर त्यांनी तसे केले नाही तर डेमोक्रॅट्सना कमला हॅरिस यांनाच धक्का द्यावा लागेल. सर्व व्यावसायिकही तेच म्हणत आहेत. पण, मला ते योग्य वाटत नाही. होय हे शक्य आहे की, कमला हॅरिस या चांगल्या अध्यक्षा असू शकतात. मी बायडेन यांच्यापेक्षा वाईट राष्ट्राध्यक्ष पाहिलेला नाही.'

बायडेन यांना त्यांच्याच डेमोक्रॅटिक पक्षात आव्हानांचा सामना करावा लागत असताना ट्रम्प यांचे हे विधान आले आहे. त्यांच्या वाढत्या वयानंतर पुढच्या राष्ट्रपतीपदाच्या निवडणुकीसाठी त्यांची निवड व्हावी की नाही, असा प्रश्न त्यांच्या पक्षातील काही लोक करत आहेत. दुसरीकडे, ट्रम्प हे रिपब्लिकन पक्षाच्या उमेदवारीसाठी पहिल्या क्रमांकावर ठाम आहेत. त्यांच्यानंतर निक्की हेली आणि भारतीय विवेक रामास्वामी यांची नावे शर्यतीत आहेत.

(Edited By - Chetan Zadpe)