Manipur Violence : मागील अनेक दिवसांपासून हिंसाचाराच्या घटनांमुळे चर्चेत असणाऱ्या मणिपूरमधून (Manipur) आणखी एक धक्कादायक घटना समोर आली आहे. ती म्हणजे मणिपूरमध्ये मुख्यमंत्री एन. बीरेन सिंह यांच्या अतिरिक्त सुरक्षा ताफ्यावर दहशतवाद्यांनी मोठा हल्ला केला आहे. या हल्ल्यात काही सुरक्षा जवान जखमी झाले आहेत.
मणिपूरचे (Manipur) मुख्यमंत्री एन. बीरेन सिंह (CM N Biren Singh) हिंसाचाराच्या पार्श्वभूमीवर मंगळवारी जिरीबामचा दौरा करणार होते. या दौऱ्याआधी जिरीबाम येथील परिस्थितीची पाहणी करण्यासाठी निघालेल्या अतिरिक्त सुरक्षा पथकावर दहशतवाद्यांनी हल्ला केला. या हल्ल्यात सीआयडी राज्य पोलिस, सीआयएसएफ जवान आणि दोन सुरक्षा कर्मचारी जखमी झाले आहेत. जखमी जवानांना इंफाळला नेण्यात आलं आहे.
जिरीबाममध्ये मागील 2 दिवसांपासून हिंसाचाराच्या बातम्या येत असून येथील परिस्थिती तणावपूर्ण आहे. या परिस्थितीचा आढावा घेण्यासाठी मुख्यमंत्री बिरेन सिंह मंगळवारी जिरीबामला भेट देणार होते.
याआधीच हा हल्ला झाला आहे. हा हल्ला राष्ट्रीय महामार्ग-37 वर कोटलेन गावाजवळ झाला. या ठिकणी अजूनही गोळीबार सुरू असल्याची माहिती आहे. या हल्ल्यानंतर आता मुख्यमंत्री आपला दौरा रद्द करणार की, ते जिरीबामला जाणार याबाबतची माहिती अद्याप मिळालेली नाही.
6 जून रोजी अज्ञात हल्लेखोरांनी एका व्यक्तीची हत्या केल्यानंतर जिरीबाम जिल्ह्यात हिंसाचार उफाळला आहे. या घटनेमुळे सुमारे 70 घरे आणि काही सरकारी कार्यालयांना आग लावण्यात आली आहे. तर हिंसाचाराच्या भीतीने अनेक लोकांनी इथून पळ काढला आहे.
सरकारनामाचे सदस्य व्हा
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.