पंतप्रधान नरेंद्र मोदींनी आज लोकसभेत संविधानावरील चर्चेत बोलताना देशाच्या संविधान निर्मितीमध्ये नारीशक्तीचे योगदान किती महत्त्वाचे होते आणि आजही देशात नारीशक्तीची काय भूमिका आहे याबाबत आपले विचार मांडले.
पंतप्रधान मोदी(PM Modi) म्हणाले, आपल्या संविधानाच्या निर्मितीमध्ये आपल्या देशाच्या नारीशक्तीने, संविधानास सशक्त करण्यात फार मोठी भूमिका निभावली आहे. संविधान सभेत १५ महिला सदस्य होत्या आणि सक्रीय सदस्य होत्या. मौलिक विचारांच्या आधारावर त्यांनी संविधान सभेला समृद्ध केले होते. त्या सर्व भगिनी विविध पार्श्वभूमीच्या आणि क्षेत्रातील होत्या. संविधानात त्यांनी ज्या काही सूचन केल्या होत्या, त्या सूचनांचा देशाच्या संविधानाच्या निर्मितीवर फार मोठा प्रभाव राहिला होता.'
तसेच 'आज आमच्यासाठी अभिनाची बाब आहे, की जगातील अनेक देश स्वतंत्र झाले, संविधानही बनले, तिथे लोकशाही चालली परंतु महिलांना अधिकार देण्यात दशकं गेली होती. परंतु आमच्यासाठी सुरुवातीपासूनच महिलांना मतांचा अधिकार संविधानाने दिला होता.' असं मोदी म्हणाले.
याशिवाय 'एवढंच नाही आपण सर्व खासदारांनी मिळून एका सुरात नारीशक्ती वंदन अधिनियम जारी केला. आपल्या महिला शक्तीला भारतीय लोकशाहीत त्यांची भागीदारी सुनश्चित करण्यासाठी आम्ही पावलं उचलली. आज आपण बघत आहोत, प्रत्येक मोठ्या योजनेच्या केंद्रस्थानी महिला असतात. आता संविधानचे आपण ७५ वर्षे साजरे करत आहोत आणि हा योगायोग आणि एक चांगला योग आहे की राष्ट्रपती पदावरही एक आदिवासी महिला विराजमान आहेत. ही आमच्या संविधानाच्या भावनेची एक अभिव्यक्ती देखील आहेत.' असं मोदींनी सांगितलं.
याचबरोबर 'या सभागृहातही सातत्याने महिला खासदारांची संख्या वाढत आहेत. त्यांचं योगदान वाढत आहे, मंत्रिपरिषदेत त्यांचं योगदान वाढत आहे. आज सामाजिक, राजकीय, शैक्षणिक, क्रीडा, नवीन कल्पानांचे जग असो, जीवनाच्या प्रत्येक क्षेत्रात महिलांचे योगदान महिलांचे प्रतिनिधित्व देशाला गौरव मिळवून देणारा ठरला आहे. विज्ञानाच्या क्षेत्रात विशेष करून स्पेश टेक्नॉलॉजीत त्यांच्या योगदानानचे कौतुक प्रत्येक भारतीय मोठ्या गर्वाने करतो आणि यासाठीची सर्वात मोठी प्ररेणा आपलं संविधान आहे.' अशा शब्दांमध्ये मोदींनी भारतातील नारीशक्तीची महती सांगितली.
(Edited by - Mayur Ratnaparkhe)
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.