Abhijit Deepke on Gen Z : 'शिवीगाळ हा गुन्हा कसा?' जेन झीच्या भाषेवर अभिजित दीपकेंचा रोखठोक सवाल! PM मोदींचे दिले उदाहरण

Abhijit Deepke News : दिल्लीत आंदोलन करून सरकारला शिक्षणमंत्री धमेंद्र प्रधान यांचा राजीनामा घेण्यास सीजेपीने भाग पाडले. सीजेपीचे प्रमुख अभिजीत दीपके यांच्या आंदोलनाला जेन-झीचा मोठा पाठींबा मिळाला. मात्र, या जेन-झीने वापरलेल्या भाषेवर आक्षेप घेण्यात येत आहे. त्यावर अभिजीत दीपके यांनी 'साम टिव्ही'वर संपादक निलेश खरे यांनी घेतलेल्या मुलाखतीमध्ये मोठा खुलासा केला.

अभिजीत म्हणाले की, 'शिवी देणे हा अपराध आहे का? शिवीवर गुन्हे दाखल केले जातील का? नरेंद्र मोदी म्हणाले होते की, ५० कोटीची गर्लफ्रेंड, ही कोणती भाषा आहे मग.शिविगाळीला अपराध म्हणून शकत नाही.'

'चुका होत असतील तर समजवून सांगा, गुन्हेगार म्हणत लहान मुलांना त्रास दिला जातोय त्यांना हरॅस केलं जातय. 20 ते 24 वर्षाच्या मुलींवर गुन्हा दाखल करताय, संपूर्ण मशनरी लहान मुलांच्या मागे लावणे योग्य आहे का?' असा सवाल देखील त्याने उपस्थित केला आहे.

भाजप आयटी सेलचे लोक महिलांना किती घाणघाण शिव्या देतात. आणि बायोमध्ये लिहितात की आम्हाला PM मोदी फाॅलो करतात, असा टोलाही दीपकेंनी केला.

दबाव गट म्हणून काम करणार...

काॅक्रोज जनता पार्टीच्या आंदोलनाला मोठा पाठींबा मिळाला आहे. त्यामुळे राजकीय पक्ष म्हणून पुढे सक्रीय राहणार का? याबाबत अभिजीत दीपकेने आपली भूमिका स्पष्ट केली. ते म्हणाले, न्यायपालिका, सीबीआय, ईडी, राजकीय पक्ष हे आपले काम योग्य पद्धतीने करत नाहीत. त्यामुळे राजकीय दबाव गट म्हणून कार्यरत राहणार आहेत.