Manoj Kumar Passes Away : ज्येष्ठ अभिनेते मनोज कुमार यांचे निधन

Manoj Kumar News : दिग्गज अभिनेते मनोज कुमार यांचे वयाच्या 87 व्या वर्षी निधन झाले. ते प्रदीर्घ काळापासून आजारी होते. मुंबईतील कोकिलाबेन धीरुभाई अंबानी रुग्णालयात त्यांच्यावर उपचार सुरू होते. तेथेच त्यांनी अखेरचा श्वास घेतला.मनोज कुमार यांना बाॅलिवूडमध्ये 'भारत कुमार' म्हणून ओळखले जात. त्यांनी केलेल्या देशभक्तीपर चित्रपटांमुळे त्यांना नाव 'भारत कुमार' नाव मिळाले होते.

मनोज कुमार यांचे खरे नाव हरिकिशन गिरी गोस्वामी होते. मात्र, चित्रपटसृष्टीच्या प्रेमापायी त्यांनी आपले नाव बदलले. त्यांचा जन्म आता पाकिस्ताना असलेल्या एबटाबाटमध्ये 24 जुलै 1937 मध्ये झाला. फाळणीनंतर त्यांचे कुटुंब भारतामध्ये आले आणि दिल्लीमध्ये स्थायिक झाले.

मनोज कुमार हे अशोक कुमार, दिलीप कुमार यांच्या अभिनयाने प्रभावित झाले होते. याचमुळे त्यांनी चित्रपटसृष्टीत आल्यानंतर आपले हरिकिशन हे नाव बदलून मनोज कुमार असे केले.

मनोज कुमार यांना यांना पद्मश्री पुरस्काराने देखील सन्मानित करण्यात आले होते. चित्रपट सृष्टीतील कामगारीविषयी दिला जाणारा सर्वोच्च दादासाहेब फाळके पुरस्कार त्यांना 2015 मध्ये प्रदान करण्यात आला होता.

क्रांती हा त्यांचा सिनेमा हीट ठरला होता. तर शहीद सिनेमातील त्यांच्या भगतसिंहाच्या भूमिकेचे कौतुक तत्कालीन पंतप्रधान लालाबहादूर शास्त्री यांनी केले होते. मनोज कुमार यांचे पूरब और पश्चिम, शोर, हरियाली और रास्ता, शहीद, पत्थर के सनम, गुमनाम, सावन की घटा हे सिनेमे हीट ठरले होते.

आणीबाणीला विरोध

मनोज कुमार यांनी तत्कालीन पंतप्रधान इंदिरा गांधी यांनी जाहीर केलेल्या आणीबाणीला विरोध केला. त्यामुळे त्यांच्या सिनेमावर बंदी घालण्यात आली. त्यावेळी 'दस नंबरी' आणि 'शोर' या त्यांच्या सिनेमांवर बंदी घालण्यात आली होती. शोर या सिनेमाचे अभिनेते आणि निर्माते देखील मनोज कुमारच होते.