Ajit Pawar Video : मराठी साहित्य संमेलनाच्या व्यासपीठावरून अजितदादांची फटकेबाजी; म्हणाले, 'एकनाथ शिंदे आणि मी...'

Ajit Pawar News : दिल्ली होणाऱ्या मराठी साहित्य संमेलनाच्या समारोप प्रसंगी उपमुख्यमंत्री अजित पवार, उपमुख्यमंत्री एकनाथ शिंदे हे दोघे व्यासपीठावर होते. संमेलनाच्या समारोप प्रसंगी अजित पवारांनी जोरदार टोलेबाजी केली.

अजित पवार म्हणाले, 'एकनाथ शिंदे आणि मी एका व्यासपीठावर असलो की आमच्यावर क्लोज कॅमेरे असतात. आमच्या देहबोलीवर लक्ष असतं. ते बघत असतं आमच्या चेहऱ्यावर हास्य आहे का ते. मी माझ्या मनाला सांगत असतो की बाबा चेहरा प्रसन्न दिसला पाहिजे. अन्यथा दुसरी कुठली बातमी व्हायला नको. त्यामुळे आमच्यात कुठलीही नाराजी नाही.'

एकनाथ शिंदें यांनी दोन दिवसांपूर्वी एक वक्तव्य केले होते त्यावरून त्यांची फिरकी घेतली. 'मला हलक्यात घेऊ नका, असा शब्द एकनाथ शिंदेंनी परवा वापरला पण कोणाला घ्यायची नाही मशालीला की आणखी कोणाला.' असे म्हणताना अजित पवारांना आपले हसू आवरता आले नाही.

उदय सामंत जिथे जातो...

पहिल्यांदा संधी मी दिली होती. पण कुठं गाडी फिस्कटली मला सोडून उद्धवजींकडे गेला. तिथं काही काळ राहिला पुन्हा एकनाथरावांकडे गेला. पण उदयचे एक आहे जिथे जातो तिथे निष्ठेने राहतो. कुठेही त्याच्यात बदल होत नाही. तो मागचं सगळं विसरून जातो. ज्याचा तो होतो त्यांचं इमानेइतबारे काम करतो.

संमेलनध्यक्षांचे कौतुक

अजित पवार म्हणाले की, मी संमेलनाध्यक्ष तारा भवळकर यांचे भाषण समाज माध्यमांवर ऐकले. ते भाषण ऐकायला आपण प्रत्यक्षात असलो पाहिजे होतो, असे मला वाटले. दिल्लीमध्ये महाराष्ट्र सदन हे राजकीय नेत्यांसाठी आहे. मात्र दिल्लीतील मराठी माणसांना भेटण्यासाठी सभागृह असले पाहिजे. महाराष्ट्राला शोभेल आणि सगळ्यांना अभिमान वाटेल अशी वास्तु आपण दिल्लीत उभारू, असे देखील पवार म्हणाले.