OBC Sub-Committee : मराठा समाजाच्या आरक्षणाच्या मागणीसाठी मनोज जरांगे पाटील आज मुंबईकडे रवाना झाले आहेत. मात्र, ते मुंबईला निघण्यापूर्वीच मुख्यमंत्री देवेंद्र फडणवीस यांनी मंत्री छगन भुजबळ यांची मराठा उपसमितीच्या धर्तीवर इतर मागासवर्गीयांसाठी उपसमिती स्थापन करण्याच्या मागणीला मान्यता दिली आहे.
इतर मागासवर्ग, विमुक्त जाती, भटक्या जमाती व विमाप्र समाजाच्या प्रश्नांवर मार्ग काढण्यासाठी मराठा समाजासाठी स्थापन केलेल्या मंत्रिमंडळ उपसमितीच्या धर्तीवर उपसमिती स्थापन करण्याची मागणी भुजबळ यांनी केली होती. विशेष म्हणजे या समितीमध्ये राष्ट्रवादी काँग्रेसकडून मंत्री भुजबळ आणि मंत्री दत्तात्रेय भरणे यांची समितीवर वर्णी लागणार आहे.
पूर्वी उपसमिती स्थापन केली होती. मात्र, ती अस्तित्त्वात नाही. त्यामुळे भुजबळ यांनी नवी उपसमिती स्थापन करण्यात मागणी केली होती. पूर्वीच्या उपसमिती मार्फत ओबीसी, विमुक्त जाती, भटक्या जमाती व विमाप्र समाजाचे आरक्षण व आतापर्यंत शासनामार्फत दिल्या जाणाऱ्या सवलतींचा व इतर लाभांचा सर्वकष दृष्टीने अभ्यास करून परिणामकारक अंमलबजावणी होण्याच्या दृष्टीने तसेच अतिरिक्त सवलती व लाभप्रस्तावित करण्याच्या दृष्टीने अभ्यास करून मंत्रिमंडळाला शिफारस करण्याची जबाबदारी होती.
उपसमिती असल्याशिवाय इतर मागासवर्गीयांचे प्रश्न सुटणार नाहीत, असे छगन भुजबळ यांनी सांगितले. मराठा आरक्षण उपसमितीच्या माध्यमातून सारथी आणि आण्णासाहेब पाटील आर्थिक विकास महामंडळाचे अनेक विषय मार्गी लागल्यामुळे मराठा समाजाला या संस्थांमार्फत लाभ मिळत आहे. महाज्योती तसेच महाराष्ट्र राज्य इतर मागासवर्गीय वित्त आणि आर्थिक विकास महामंडळाकडील अनेक विषय रखडले आहेत.त्यामुळे या उपसमितीची आवश्यकता असल्याचे सांगितले जात आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.