Maharashtra Politics Video : जयंत पाटील यांच्यावर पक्ष सोडण्याचा दबाव म्हणून पडळकर...', ठाकरेंच्या खासदाराचा मोठा दावा

Jayant Patil News : गोपीचंद पडळकर यांनी अश्लाघ्य भाषेत जयंत पाटील यांच्यावर टीका केली. पडळकर यांच्या वक्तव्यानंतर त्यांच्या विरोधात राष्ट्रवादी काँग्रेस शरदचंद्र पवार पक्षाच्या नेत्यांकडून आंदोलन करण्यात आले. पडळकरांच्या पोस्टरला काळे फासण्यात आले. शरद पवारांनी मुख्यमंत्री देवेंद्र फडणवीस यांना फोन करत यासंदर्भात कारवाईची मागणी केली. दरम्यान, शिवसेना उद्धव बाळासाहेब ठाकरे पक्षाचे खासदार संजय राऊत यांनी या प्रकरणात मोठा गौप्यस्फोट केला आहे.

जयंत पाटील यांनी राष्ट्रवादी काँग्रेस शरदचंद्र पवार पक्ष सोडून भाजपात यावे, यासाठी त्यांच्यावर दबाव टाकला जात असल्याचा दावा राऊत यांनी केला ते म्हणाले, 'जयंत पाटील यांच्यावर पक्ष सोडण्यासाठी दबाव आहे. मात्र तरी सुद्धा ते पक्ष सोडत नसल्याने गोपीचंद पडळकर अशी विधाने करत आहेत.'

'गोपीचंद पडळकर या व्यक्तीला देवेंद्र फडणवीस यांनी 12 ते 13 वेळा समज दिली, असं वृत्त मी वाचलं. 12 ते 13 वेळा समज देऊनही तो माणूस ऐकत नसेल तर त्याला तुमचा पाठींबा आहे. आणि तुमचा जयंतरावांवर राग याच्यासाठी आहे की ते तुमच्या पक्षात यायला तयार नाहीत.', असा आरोप राऊत यांनी मुख्यमंत्री फडणवीस यांच्यावर केला.

येवढा दबाव आणून सुद्धा जयंतराव त्यांच्या पक्षात जायला तयार नाही त्याच्यामुळे त्यांचा बाप काढण्याचा उद्योग सुरू आहेत, असे देखील ते म्हणाले.

माफी मागण्यास पडळकरांचा नकार

मुख्यमंत्री देवेंद्र फडणवीस यांनी मी पडळकर यांना फोन करू समज दिली आहे. ते तरुण आहेत त्यांना चांगले राजकीय भविष्य आहे. अग्रेशनचा काय अर्थ निघेल हे ते लक्षात घेत नाहीत. त्यामुळे आपण अॅग्रेशन लक्षात घेऊनच बोलले पाहिजे, असे मी त्यांना सांगितले. त्यांच्या वक्तव्याचे मी कधीच समर्थन करणार नाही. दरम्यान, पडळकर यांना त्यांच्या वक्तव्याविषयी विचारले असता पाहून घेऊ, असे म्हणत माफी मागण्यास नकार दिला.