Ladki Bahin Yojana News : मुख्यमंत्री माझी लाडकी बहीण योजनेता सप्टेंबरचा हप्ता कधी मिळणार याची चिंता महिलांना होती. दिवाळीच्या आधी हा निधी मिळेल, अशी शक्यता वर्तवली जात होती. मात्र, दिवाळीच्या दोन आठवडे आधी महिलांच्या खात्यात निधी जपा करण्यास आजपासून सुरुवात करण्यात आली आहे.
महिला व बालकल्याण मंत्री आदिती तटकरे यांनी गुरुवारी सायंकाळी ट्विट करत शुक्रवारपासून मुख्यमंत्री माझी लाडकी बहीण योजनाचा निधी पात्र महिलांना मिळणार असल्याचे म्हटले. त्यांनी सांगितले की, पात्र लाभार्थ्यांना सप्टेंबर महिन्याचा सन्मान निधी वितरित करण्याच्या प्रक्रियेस सुरू होत आहे.
तटकरे यांनी केवायसी करण्याचे आवाहन देखील पात्र महिलांना केले. ते म्हणाल्या, महाराष्ट्रातील माता-भगिनींच्या अखंड विश्वासाने सुरू असलेली सक्षमीकरणाची ही क्रांती यशस्वीरित्या मार्गक्रमण करत आहे. ही वाटचाल अशीच अखंडपणे सुरू ठेवण्यासाठी मागील महिन्यापासून https://ladakibahin.maharashtra.gov.in या संकेतस्थळावर E-KYC सुविधा उपलब्ध करून देण्यात आली आहे. पुढील २ महिन्यांच्या आत सर्व लाडक्या बहिणींनी E-KYC प्रक्रिया पूर्ण करावी ही नम्र विनंती.
पात्र लाभार्थी महिलांनी केवायसी करण्याचे आवाहन करण्यात आले आहे. मात्र, योजनेचे संकेतस्थळ डाऊन असणे, ओटीपी न येणे अशा समस्यांना महिलांना तोंड द्यावे लागत आहे. दोन महिन्यांचा कालावधी असल्याने महिलांकडे पुरेसा वेळ असून या अडचणी दूर करण्यात येत आहेत. त्यामुळे महिलांना मुदतीच्या आधी केवायसी करावी, असे आवाहन देखील प्रशासनाकडून करण्यात येत आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.