Bhai Jagtap on Election Commission : काँग्रेस आमदार भाई जगताप यांचं निवडणूक आयोगाबाबत वादग्रस्त वक्तव्य, म्हणाले...

Bhai Jagtap on Maharastra Election Result : महाराष्ट्र निवडणूक निकालानंतर काँग्रेस निवडणूक आयोग आणि EVMवर सातत्याने प्रश्न उपस्थित केले जात आहेत. शुक्रवारी तर काँग्रेसचे विधानपरिषदेचे आमदार भाई जगताप यांनी निवडणूक आयोगाबाबत आक्षेपार्ह आणि वादग्रस्त वक्तव्य केल्याचं समोर आलं आहे.

एका वृत्तसंस्थेशी बोलताना भाई जगताप(Bhai Jagtap) म्हणाले, निवडणूक आयोग तर कुत्रा आहे. जो पंतप्रधानांच्या बंगल्याबाहेर बसतो. लोकशाहीला मजबूत करण्यासाठी जेवढ्या एजन्सी बनवल्या गेल्या आहेत, दुर्दैवाने त्याचाच वापर करून आज संपूर्ण देशात कांड होत आहेत.

भाई जगताप यांच्या वक्तव्यावर भाजप(BJP) नेते किरीट सोमय्या यांनी म्हटले की, हा घटनात्मक संस्थेचा अपमान आहे. हे सहन केलं जाणार नाही. मी निवडणूक आयोग आणि मुंबई पोलिसात जगताप यांच्याविरोधात तक्रार दाखल केली आहे.

तर दुसरीकडे भाई जगताप यांनी आपल्या वादग्रस्त टिप्पणीबाबत माफी मागण्यास नकार दर्शवला आहे. जगताप यांनी म्हटले की निवडणूक आयोगाच्या चमचेगिरीमुळे देशाची लोकशाही बदनाम झाली आहे. तर कुत्रा म्हटल्याबाबत ते म्हणाले, मी अजिबात माफी मागणार नाही आणि जर ते पंतप्रधान आणि अन्य मंत्र्यांच्या दबावात काम करत असतील तर मी जे काही म्हटलं तेच खरं आहे.

निवडणूक आयोग देशाच्या लोकशाहीला आणखी मजबू करण्यासाठी आहे. कुणाची सेवा करण्यासाठी नाही. मी माझ्या बोलण्यावर ठाम आहे. जगताप यांनी पुढे म्हटले की, काँग्रेसने EVM तंत्रज्ञान यासाठी आणलं होतं, कारण याचा वापर फ्रान्स आणि अमेरिकेत होत होता. परंतु 2009नंतर याच्या वापरवर संशय निर्माण होवू लागला.

महाराष्ट्र विधानसभा निवडणूक(Vidhansabha Election) निकालावर काँग्रेसने आक्षेप घेतला आहे. पक्षाकडून शुक्रवारी महाराष्ट्र विधानसभा निवडणुकीच्या मतदान आणि मतमोजणी प्रक्रियेत गंभीर बेजबाबदारपणाचा आरोप केला आहे. पक्षाने निवडणूक आयोगास पत्र लिहिले आणि वैयक्तिक सुनावणीची मागणी केली.

(Edited by - Mayur Ratnaparkhe)