Cabinet Decisions : शेतकरी, म्हाडा अन् कृषी क्षेत्रासाठी फडणवीसांचा मास्टरप्लॅन! 5 मोठे निर्णय काय? वाचा एका क्लिकवर!

मुख्यमंत्री देवेंद्र फडणवीस यांच्या अध्यक्षतेखाली 22 सप्टेंबर 2026 रोजी झालेल्या राज्य मंत्रिमंडळाच्या बैठकीत शेतकरी, मुंबईतील प्रकल्पग्रस्त, म्हाडा रहिवासी आणि कृषी विभागाशी संबंधित 5 महत्त्वाचे निर्णय घेण्यात आले. दुष्काळी परिस्थितीच्या पार्श्वभूमीवर शेतकऱ्यांना मदत पोहोचवण्यासाठी विशेष उपसमिती स्थापन करण्याचा निर्णयही घेण्यात आला आहे.

1. दुष्काळ निवारणासाठी विशेष उपसमिती

राज्यातील दुष्काळ निवारणाच्या उपाययोजनांसाठी मंत्रिमंडळ उपसमिती स्थापन. महसूल मंत्री व अध्यक्षांना वेळोवेळी घ्याव्या लागणाऱ्या निर्णयासाठी मंत्रिमंडळ उपसमितीला सर्वाधिकार. येत्या शनिवारपर्यंत प्राथमिक अधिसूचना काढण्यात येणार. मंत्री बांधावर जाऊन पाहणी करणार. शेतकऱ्यांपर्यत मदत पोहचवण्याच्या कामात गतीमानता येणार.

2. मेट्रो प्रकल्पबाधित शेतकऱ्यांना विकसित भूखंड

मुंबई मेट्रो मार्ग ४, ४ अ व १० प्रकल्पाच्या एकात्मिक कार शेड डेपो करिता जमीन दिलेल्या मौजे मोघरपाडा येथील प्रकल्प बाधित शेतकऱ्यांना मालकी हक्काने विकसित भूखंड वाटप करण्यास मंजुरी. मोघरपाडा सर्व्हे क्र. ३० मधील शेतकऱ्यांना २२.५ टक्के व १२.५ टक्के विकसित भूखंड वाटप होणार.

3. खारमधील म्हाडा इमारतींचा पुनर्विकास

मुंबईतील खार (प) येथील रामकृष्णनगर मधील म्हाडाच्या इमारतींचा एकत्रित पुनर्विकास होणार. पायाभूत सुविधा दर्जेदार मिळाव्यात यासाठी या परिसरातील जुन्या आणि मोडकळीस आलेल्या या इमारतींचा समूह पुनर्विकास होणार.

4. धुळ्यातील आरक्षणाबाबत निर्णय

धुळे शहराच्या मंजूर विकास योजनेतील धुळे महानगरपालिका हद्दीतील मौजे देवपूर (ता. धुळे) येथील सर्व्हे क्र. १०३ वरील क्रीडांगण व बगीचा यांचे आरक्षण रद्द करून, ते सार्वजनिक निमसार्वजनिक विभागात समाविष्ट करण्यास मान्यता.

5. कृषी विभागाचा सुधारित आकृतीबंध रद्द

कृषि विभागाचा सुधारित आकृतीबंध रद्द. सन २००९ चा मंजूर आकृतीबंध तात्पुरता कायम राहणार. सुधारित आकृतीबंधाचा फेरप्रस्ताव सादर करण्यासाठी कृषी विभागाच्या कार्यभाराचा, उपलब्ध मनुष्यबळाचा, रिक्त पदांचा, विविध संवर्गाच्या आवश्यकता, क्षेत्रीय यंत्रणेची गरज, शेतकरी केंद्रीत योजनांचा कार्यभार तसेच भविष्यातील प्रशासकीय गरजा यांचा सर्वंकष आढावा घेण्यात येणार.