Video Dhangar Reservation :...तर सर्व आमदार राजीनामा देणार, धनगर आरक्षणाचा प्रश्न पेटला

Dhangar Reservation : एसटी प्रवर्गातून आरक्षण मिळावे,यासाठी सकल धनगर समाजाच्या वतीने आंदोलन सुरू होते. मुख्यमंत्री एकनाथ शिंदे यांनी धनगर समाजाच्या आरक्षणासाठी समिती नेमणार असल्याचे आश्वासन दिले तसेच धनगड आणि धनगर शब्द एकच असल्याविषयी जीआर काढण्याची देखील तयारी दाखवली.

मात्र, धनगर समाजाला एसटी प्रवर्गातून आरक्षण देण्यास आदिवासी आमदारांचा विरोध आहे. जर धनगर समाजाला एसटीमधून आरक्षण दिले तर सर्वपक्षातील आदिवासी आमदार राजीनामा देतील, असा इशारा आमदार हिरामण कोसकर यांनी सरकारला दिला.

धनगर आरक्षणाला विरोध नाही. मात्र, त्यांना एसटी प्रवर्गातून आरक्षण देऊ नका, असे आमदार कोसकर म्हणाले. सोमवारी सर्वपक्षीय आदिवासी आमदार मुख्यमंत्र्यांना भेटणार आहेत.धनगरांना वेगळं आरक्षण द्या. त्यांना एसटीतून आरक्षण दिलं तर आम्हाला काहीच मिळणार नाही, अशी भीती देखील खोसकर यांनी व्यक्त केली.

24 आमदार राजीनामा देणार

हिरामण खोसकर यांनी राज्य सरकारला इशारा देताना म्हटले की, सर्वपक्षीय आदिवासी आमदार हे मुख्यमंत्र्यांना भेटणार आहेत. धनगर समाजाला जर आदिवासींमधून आरक्षण दिले तर 24 आमदार राजीनामा देतील. मीतर लगेच राजीनामा देईल.

सरकार जीआर काढणार?

धनगड आणि धनगर एकच आहेत त्याविषयी स्वतंत्र जीआर काढण्याच्या मागणी धनगर समाजाच्या शिष्टमंडळाने केली होती. त्यामुळे तीन वरिष्ठ अधिकारी आणि सकल धनगर समाजाच्या शिष्टमंडळातील पाच सदस्यांची समितीची स्थापना करण्यात येईल.

जीआरचा मसूदा कसा असावा, जीआर काढला तर तो कोर्टात टिकला पाहिजे. त्यासाठी ही समिती पुढील चार पाच दिवसात बैठक घेईल त्याप्रमाणे ड्राफ्ट तयार करेल. अॅडव्होकेट जनरल यांचे यावर मत घेतले जाईल, असे देखील शंभूराज देसाई यांनी सांगितले होते.