Hingoli News: हिंगोली कळमनुरी येथील शिवसेनेचे आमदार संतोष बांगर यांनी आज मतदानाचा व्हिडिओ काढला आहे, याप्रकरणी आता त्यांच्यावर गुन्हा दाखल करण्यात आला आहे. कळमनुरी येथील एका मतदान केंद्रावर मतदान करणाऱ्या महिलेला मार्गदर्शन करतानाचा बांगर यांचा व्हिडिओ सकाळी व्हायरल झाला.
मतदानाबद्दल बाळगण्यात येणाऱ्या गोपनीयतेचा हा भंग आहे, अशी टीका विरोधकांनी बांगर यांच्यावर केली आहे. मोबाईल येण्यास मतदान केंद्रात बंदी असताना त्यांना मोबाईल नेला. मतदान कुणाला केले याबाबतचा स्वत:च व्हिडिओ काढला. या प्रकारावर मुख्यमंत्री देवेंद्र फडवीस यांनी संताप व्यक्त केला आहे. निवडणूक आचारसंहितेचा भंग केल्याप्रकरणी बांगर यांच्यावर हिंगोली पोलिस ठाण्यास गुन्हा करण्यात आला आहे.
हिंगोलीच्या कळमनुरी विधानसभेचे आमदार संतोष बांगर यांनी जिल्हा परिषद प्राथमिक कन्या शाळेवर मतदानाचा हक्क बजावला. आपण कुणाला मतदान केले, हे दाखवण्यासाठी बांगर यांनी मतदान करताना ईव्हीएमचा व्हिडिओ काढला. हे प्रकरण त्यांचा अंगलट आले आहे. फडणवीस यांनी नाराजी व्यक्त केल्यानंतर लगेचच त्यांच्यावर कारवाई करण्यात आली आहे.
या प्रभागात शिवसेना-भाजप असा मैत्रीपूर्वी सामना होत आहे. निवडणूक प्रचारात बांगर आणि भाजप आमदारांमध्ये जुपल्याचे आपण पाहिले होते. त्यावर दोन्ही पक्षाच्या नेत्यांनी त्यावर मौन पाळले होते. आता संतोष बांगर यांचा व्हिडिओ समोर आल्यानंतर निवडणूक निर्णय अधिकाऱ्यांनी या प्रकरणाची गंभीर दखल घेतली आहे.
बांगर यांच्या या प्रकारावर नाराजी व्यक्त करताना फडणवीस म्हणाले, " किमान लोकप्रतिनिधींनी लोकशाहीची चाड ठेवली पाहिजे. निवडणुकीत आपण कसं वागतोय, आपण कोणता संदेश देतोय याचा विचार केला पाहिजे.
गोपनीयतेचा भंग झाला का? याबाबत निवडणूक अधिकाऱ्यांनी तातडीने अहवाल मागवण्यात आला होता. त्यानंतर निवडणुक निर्णय अधिकाऱ्यांनी ही कारवाई केली. आमदार संतोष बांगर हे पुन्हा एकदा वादात अडकले आहेत.
स्थानिक स्वराज्य संस्थांच्या निवडणुकीसाठी आज सकाळी साडेसात वाजल्यापासून मतदानाला सुरवात झाली. हिंगोलीतील कळमनुरीच्या बाजार परिसरातील मतदान केंद्र क्रमांक 3 वर सकाळी संतोष बांगर मतदानासाठी पोहोचले होते. मतदान केंद्रात शिरताच त्यांनी एका महिला मतदाराला प्रत्यक्ष ईव्हीएम बटन दाबताना मार्गदर्शन केल्याचा प्रकार व त्याचा व्हिडिओ समाज माध्यमांवर व्हायरल झाला.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.