municipal election : दहा दिवस जादा मिळूनही मतदान वाढले नाही! महायुती-मविआ चिंतेत, उमेदवारांची धाकधूक वाढली

Ratnagiri News : निवडणूक आयोगाने स्थगिती दिलेल्या प्रभाग क्र. १० मधील नगरसेवकपदासाठी आज ४९.७८ टक्के मतदान झाले. या प्रभागातील चार उमेदवारांचे भवितव्य आज इलेक्ट्रॉनिक मतपेटीत बंद झाले. नगराध्यक्षपदासाठी झालेल्या मतदानाएवढेच यावेळी मतदान झाले असून दहा ते पंधरा दिवसाचा जादा अवधी मिळूनही मतदानाचा टक्का वाढलेला नाही. दिवसभराचा मतदानाचा विचार केला तर नागरिकांमध्ये अपेक्षित उत्साह दिसला नाही. यामुळे महायुती आणि महाविकास आघाडीच्या उमेदवारांची धाकधूक वाढल्याचे दिसत आहे.

प्रभाग १० मध्ये एकूण ४ हजार १४४ मतदार असून त्यासाठी चार मतदान केंद्रांची निर्मित करण्यात आली होती. सकाळी साडेसात ते साडेनऊ या टप्प्यात ८.२० टक्केच मतदान झाले होते. साडेनऊ ते साडेअकरा अशा दुसऱ्या टप्प्यात १९.३५ झाले.

तर साडेअकरा ते दीडपर्यंत २९.८५ आणि दीड ते साडेतीन पर्यंत ४० टक्के मतदान झाले. यानंतर साडेपाचपर्यंत ४९.७८ टक्के मतदान झाले. या प्रभागातील मतदारांमध्ये अपेक्षित उत्साह दिसला नाही. उमेदवार आणि पदाधिकारी मतदारांना बाहेर काढण्यासाठी प्रयत्न करत होते, मात्र त्यांना अपेक्षित यश आले नाही.

महायुतीतील भाजपचे राजू तोडणकर आणि मानसी करमरकर, तर महाविकास आघाडीकडून राजाराम रहाटे आणि श्वेता कोरगावकर निवडणूक आखाड्यात होत्या. महायुतीने यापूर्वीच शक्तीप्रदर्शन करत रॅली आणि भेटीगाठी घेऊन प्रचार संपला. रविवारी (ता. २१) सकाळी दहा वाजता शहरातील 15 प्रभागाबरोबर या प्रभागाचाही निकाल जाहीर होणार आहे.

FAQs :

1. प्रभाग 10 मध्ये किती टक्के मतदान झाले?
➡️ एकूण 49.78 टक्के मतदान झाले.

2. किती उमेदवारांचे भवितव्य EVM मध्ये बंद झाले?
➡️ चार उमेदवारांचे भवितव्य EVM मध्ये बंद झाले.

3. मतदान वाढवण्यासाठी जादा वेळ देण्यात आला होता का?
➡️ होय, दहा ते पंधरा दिवसांचा जादा कालावधी देण्यात आला होता.

4. मतदानाचा टक्का का वाढला नाही?
➡️ नागरिकांमध्ये अपेक्षित उत्साह दिसून आला नाही.

5. कमी मतदानाचा कोणत्या पक्षांवर परिणाम होऊ शकतो?
➡️ महायुती आणि महाविकास आघाडीच्या उमेदवारांवर.