भाजप जिल्हाध्यक्ष प्रभाकर सावंत यांनी नगराध्यक्षा प्राजक्ता बांदेकर आणि 5 नगरसेवकांना निलंबित केले.
तळ कोकणात या कारवाईमुळे खळबळ उडाली.
आधी मौन बाळगलेले आमदार निलेश राणे यांनी जिल्हाध्यक्षांवर जोरदार टीका केली.
सर्व निर्णय खासदार नारायण राणे घेत असल्याचा थेट आरोप केला.
सिंधुदुर्ग भाजपमध्ये नेतृत्व संघर्ष उघड झाला आहे.
Kudal News : सिंधुदुर्ग जिल्ह्यात सध्या महायुतीत मोठं वादळ आले असून भाजप विरूद्ध एकनाथ शिंदे यांची शिवसेना यांच्यात पुन्हा एकदा वाद उफाळला आहे. नुकताच भाजपचे जिल्हाध्यक्ष प्रभाकर सावंत यांनी पक्षशिस्त भंग आणि शिवसेनेशी सलगी करणाऱ्या नगराध्यक्षा प्राजक्ता बांदेकरांसह पाच नगरसेवकांवर निलंबनाची कारवाई केली. यामुळे तळ कोकणात खळबळ उडाली होती. यानंतर आता आधी मला यावर काहीच बोलायचं नाही असा पवित्रा घेतलेल्या आमदार निलेश राणे यांनी थेट भाजप जिल्ह्याध्यक्षांना झापले आहे. तसेच सिंधुदुर्ग जिल्ह्यात भाजपने सर्व निर्णय खासदार नारायण राणेचं घेतात असे खडे बोल सुनावतं केलेल्या कारवाईवरून इशारा दिला आहे. त्यामुळे आता या सहा जणांच्या निलंबनाच्या कारवाईचा प्रश्न राणेंच्या कोर्टात गेला आहे. पण सध्या राणेंना तातडीने जसलोक रुग्णालयात तातडीने दाखल करण्यात आलं आहे. त्यामुळे ते जिल्ह्यात परतल्याशिवाय हा प्रश्न सुटणार नसल्याचेच दिसत आहे.
आगामी स्थानिक स्वराज्य संस्थांच्या निवडणुकीच्या मोर्चे बांधणीला वेग आला असतानाच भाजपने सिंधुदुर्ग जिल्ह्यात पक्षातंर्गत मोठी कारवाई केली. भाजपने ‘कमळ’ चिन्हावर निवडून आलेल्या कुडाळ नगरपंचायतीच्या नगराध्यक्षा नगराध्यक्ष प्राजक्ता बांदेकरांसह पाच नगरसेवकांवर निलंबनाची कारवाई केली.
या कारवाईचे पत्र जिल्हाध्यक्ष प्रभाकर सावंत यांनी सबंधितांसह जिल्हाधिकारी यांना दिले. ज्यात त्यांनी, निलंबन करण्यात आलेले नगरसेवक हे भाजपच्या चिन्हावर निवडून आले असून त्यांनी पक्ष शिस्त आणि नियमांचे उल्लंघन केले आहे. ते पक्षाच्या कार्यक्रमांना उपस्थित राहत नसून शिवसेनेच्या कार्यक्रमात उपस्थित असतात असे म्हटलं आहे. तर या निर्णयामुळे आता कुडाळमधील महायुतीत ठिणगी पडली आहे.
यावरून उपमुख्यमंत्री एकनाथ शिंदे यांच्या शिवसेनेचे शिलेदार आमदार निलेश राणे यांनी भाजप जिल्हाध्यक्ष प्रभाकर सावंत यांना थेट झापलं आहे. त्यामुळे भाजपच्या या सहा नगरसेवकांच्या मदतीसाठी निलेश राणे यांनी पुढाकार घेतल्याचे दिसत आहे. त्यांनी सोशल मीडियावरुन पोस्ट शेअर करत, आता या निलंबनाचा निर्णय खासदार नारायण राणे यांच्या कोर्टात ढकलला आहे. तर आता तेच याचा निर्णय घेतील असे म्हटलं आहे.
निलेश राणेंनी 'आम्हाला ज्या दिवशी खासदार नारायण राणे सांगतील त्या दिवशी आम्ही निलंबन मान्य करू. सिंधुदुर्गात भाजपचे निर्णय हे खासदार राणे साहेबच घेत असतात. म्हणून या पत्राला आम्ही किंमत देत नाही', अशा शब्दात भाजप जिल्हाध्यक्ष सावंत यांना प्रत्युत्तर दिले आहे. कुडाळ नगरपंचायतमधील भाजपच्या श्री सिद्धिविनायक नगर विकास आघाडीत आठ नगरसेवक आहेत. पण आता या आठपैकी सहा नगरसेवकांवर शिस्तभंगाची कारवाई करण्यात आली आहे. तसेच पत्र जिल्हाधिकारी यांनी देण्यात आले असून यातील दोघांना या कारवाईतून वगळण्यात यावे अशी मागणीही या पत्रातून करण्यात आली आहे. यामुळे कुडाळ नगरपंचायतीत खळबळ उडाली आहे.
FAQs :
प्रश्न 1: भाजप जिल्हाध्यक्षांनी कोणावर कारवाई केली?
➡️ नगराध्यक्षा प्राजक्ता बांदेकर आणि पाच नगरसेवकांवर.
प्रश्न 2: कारवाई का करण्यात आली?
➡️ पक्षशिस्त भंग आणि शिवसेनेशी सलगी यावरून.
प्रश्न 3: आमदार निलेश राणेंनी काय प्रतिक्रिया दिली?
➡️ त्यांनी प्रभाकर सावंत यांच्यावर थेट टीका केली.
प्रश्न 4: निलेश राणेंनी कोणावर आरोप केला?
➡️ खासदार नारायण राणे सर्व निर्णय घेत असल्याचा आरोप.
प्रश्न 5: या कारवाईचा काय परिणाम झाला?
➡️ तळ कोकणातील भाजपात अंतर्गत संघर्ष उघड झाला.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.