Kunbi reservation : कुणबी आरक्षण निर्णायक टप्प्यावर ! सरकारच्या जीआर विरोधात सुप्रीम कोर्टात 'या' तारखेला निर्णय

New Dehli News : सुप्रीम कोर्टात कुणबी समाजाच्या आरक्षणासंदर्भातील जीआर प्रकरणावर शुक्रवारी सुनावणी होणार होती. मात्र, या प्रकरणात मोठी अपडेट पुढे आली आहे. सुप्रीम कोर्टासमोर आता कुणबी जीआरविरोधी याचिकांवरील सुनावणी दिवाळीनंतर होणार आहे. त्यामुळे याकडे सर्वांचे लक्ष लागले आहे.

सुप्रीम कोर्टामध्ये (Supreme Court ) या संपूर्ण प्रकरणावर शुक्रवारी सुनावणी होणार होती पण ही सुनावणी टळलेली आहे आणि दिवाळीनंतर आता यासंदर्भात सुनावणी होणार, अशी माहिती मिळाली आहे. या प्रकरणामुळे ओबीसी आरक्षणासंदर्भातील निर्णय लांबणीवर पडला आहे.

महाराष्ट्रातील महायुती सरकारने हैदराबाद गॅजेट लागू करण्याचा निर्णय २ सप्टेंबरला घेतला होता. राज्य सरकारच्या या गॅजेटविरोधात काही जणांनी सुप्रीम कोर्टात धाव घेतली आहे. त्यानुसार सुप्रीम कोर्टाने हे प्रकरण दाखल करून घेतल्यानंतर शुक्रवारी या प्रकरणाची सुनावणी 3 नंबर कोर्टासमोर होणार होती. मात्र, या प्रकरणाची सुनावणी झाली नाही.

त्यामुळे या प्रकरणाची सुनावणी आता दिवाळीनंतर 27 ऑक्टोबरला होणार आहे. राज्य सरकारच्या जीआर विरोधात ही याचिका असल्याने याकडे सर्वांचे लक्ष लागले आहे. या संपूर्ण सुनावणीबाबत महाराष्ट्रातील राजकीय आणि सामाजिक वर्तुळात मोठी उत्सुकता होती. दिवाळीनंतर होणाऱ्या सुनावणीकडे संपूर्ण राज्याचे लक्ष लागले आहे.