Exit Poll Results : एक्झिट पोलनुसार महायुतीला सत्ता, देवेंद्र फडणवीस पुन्हा मुख्यमंत्री होणार?

Devendra Fadnavis News : एक्झिट पोलनुसार महायुतीची सत्ता पुन्हा येण्याची शक्यता वर्तवली जात आहे. सर्वच एक्झिट पोलनुसार भाजप हा सर्वात मोठा पक्ष ठरत आहे. त्यामुळे महायुतीमध्ये देवेंद्र फडणवीस हे पुन्हा मुख्यमंत्री होण्याची शक्यता आहे.

एकनाथ शिंदे यांच्या पक्षाला सरासरी 40 ते 50 च्या दरम्यान जागा एक्झिट पोलमध्ये दाखवत आहे. तर, भाजपला 75 ते 90 च्या दरम्यान जागा दाखवत आहे. त्यामुळे भाजपचा मुख्यमंत्रि‍पदावरील दावा मजबूत होतो आहे.

एलेक्ट्रोरल एजच्या एक्झिट पोलनुसार भाजप सर्वात मोठा पक्ष ठरत असून भाजपला 78 जागा दर्शवत आहे. तर, चाणक्य स्ट्रॅटेजीनुसार भाजपला 90 पेक्षा अधिक जागा मिळत आहेत. तर मॅट्रिझनुसार भाजपला 89 ते 101 जागा मिळत आहे.

एक्झिट पोलच्या आकड्यांनुसार महायुतीमध्ये सत्तेत परत येत असताना भाजप सर्वात मोठा पक्ष ठरतो आहे. महायुती निवडणुकीला समोर जात असताना त्यांनी मुख्यमंत्रि‍पदाचा चेहरा घोषित केला नव्हता.

फडणवीस सरसंघचालकांना भेटले

एक्झिट पोल महायुतीचे सर्वाधिक आमदार निवडूण येणार असल्याचे सांगत आहे. या पार्श्वभूमीवर उपमुख्यमंत्री देवेंद्र फडणवीस यांनी सरसंघचालक डॉ. मोहन भागवत यांची भेट घेतली. त्यामुळे अनेकांच्या भुवया उंचावल्या आहेत. यावरून संघातून पुन्हा फडणवीस यांचेच नाव मुख्यमंत्रीपदासाठी समोर केले जाणार असल्याचा तर्क लावल्या जात आहे.