Vinod Tawde : विनोद तावडेंनी मानले शरद पवारांचे आभार, नेमकं कारण काय?

Vinod Tawde New : भाजप नेते विनोद तावडे हे विरारमध्ये आले होते तेव्हा बहुजन विकास आघाडीच्या कार्यकर्त्यांना घेरावा घातला होता. तावडे हे पाच कोटी रुपये वाटण्यासाठी आले असल्याचे हितेंद्र ठाकूर यांनी आरोप केला. विनोद तावडे यांच्यावर टीका होत असताना शरद पवारांनी मात्र वेगळी प्रतिक्रिया दिली.

शरद पवार म्हणाले, विनोद तावडे एक चांगले गृहस्थ आहेत, आरोप सिद्ध झाल्याशिवाय बोलणार नाही. पवारांच्या या प्रतिक्रियेसाठी तावडेंनी त्यांचे आभार मानले आहेत. तावडे म्हणाले, शरद पवार हे परिपक्व नेते आहेत. सिनियर आहेत. ते मला जवळून ओळखतात. मी अशा गोष्टीत असू शकत नाही हे त्यांना माहीत आहे. मी त्यांचे आभार मानतो.

विनोद तावडे यांनी विरारच्या प्रकरणावरून स्पष्टीकरण देताना सीसीटीव्ही तपासा असे आवाहन केले तसेच मी वाड्याहून परतताना नालासोपाऱ्यात आलो. निवडणकीच्या दिवशी कार्यकर्त्यांनी काय करायचे हे सांगत होतो त्यावेळी हितेंद्र ठाकूर आले आणि त्यांनी माझ्यावर पैसे वाटल्याचा आरोप केला.

तावडेंची अवस्था कोंबडी सारखी

हितेंद्र ठाकूर यांनी आज (बुधवारी) पुन्हा विनोद तावडे यांच्यावर टीका केली. ठाकूर म्हणाले, तावडे मुंबईत गेल्यानंतर त्यांना कंठ फुटला आहे. तावडेंची अवस्थाही भिजलेल्या कोंबडी सारखी झाली आहे.

गृहविभागाकडून तावडेंवर पाळत?

खासदार संजय राऊत यांनी तावडे हे भविष्यात आपल्याला जड होतील त्यामुळे त्यांच्या विरोधात कारस्थान झाले. महाराष्ट्राच्या गृहखात्याकडून तावडेंवर पाळत ठेवली गेली आणि ते पकडले जातील यासाठी पूर्ण बंदोबस्त झाला, असा दावा राऊत यांनी केला.