Maharashtra Cabinet Expansion : फडणवीस सरकारने मंत्रिमंडळ विस्तारात साधलं जातीय समीकरण

Mahayuti Cabinet Expansion : महायुतीच्या मंत्रिमंडळ विस्तारात प्रत्येक समाजाची, तसंच जाती-धर्माची विशेष काळजी घेण्यात आल्याचं पाहायला मिळत आहे. राज्यात सध्या विविध समाजाकडून आरक्षणासाठी आंदोलनं केली जात आहेत. शिवाय विधानसभा निवडणुकीतही जातीपातीचं राजकारणं झाल्याचं कोणीही नाकारू शकत नाही.

Devendra FadnavisSarkarnama

Published on:

16 Dec 2024, 7:00 am IST

Updated on:

16 Dec 2024, 7:00 am IST

Nagpur News : महायुती सरकारचे मुख्यमंत्री म्हणून देवेंद्र फडणवीस तर उपमुख्यमंत्री म्हणून एकनाथ शिंदे या तिघांनी 5 डिसेंबर रोजी शपथ घेतली होती. तेव्हापासून महायुती सरकारमधील इतर खात्याचं वाटप कधी होणार याबाबतच्या चर्चांना उधाण आलं होतं.

शिवाय विरोधकांनी देखील मंत्रिमंडळ विस्ताराच्या मुद्द्यावरून महायुतीवर टीका करायला सुरूवात केली होती. मात्र, अखेर रविवारी (ता.15) या नव्या सरकारमधील मंत्र्यांचा शपथविधी सोहळा नागपूर (Nagpur) येथे पार पडला. यावेळी एकूण 42 नेत्यांनी मंत्रि‍पदाची शपथ घेतली. यामध्ये भाजपच्या 19, शिवसेनेच्या 11 आणि राष्ट्रवादीच्या 9 आमदांनी मंत्रिपदाची शपथ घेतली.

महत्वाची बाब म्हणजे या महायुतीच्या (Mahayuti) या मंत्रिमंडळ विस्तारात प्रत्येक समाजाची, तसंच जाती-धर्माची विशेष काळजी घेण्यात आल्याचं पाहायला मिळत आहे. राज्यात सध्या विविध समाजाकडून आरक्षणासाठी आंदोलनं केली जात आहेत. शिवाय विधानसभा निवडणुकीतही जातीपातीचं राजकारणं झाल्याचं कोणीही नाकारू शकत नाही.

त्यामुळे सरकार चालवताना सर्वच घटकांना सोबत घेऊन काम करावं लागणार असल्याची जाणीव झाल्यामुळेच या सरकारने जातीय समीकरण साधल्याचं बोललं जात आहे. त्यानुसार कशा पद्धतीने मंत्रिमंडळात कोणकोणत्या समाजाच्या नेत्यांना संधी दिली आहे ते पाहूया.

Nilesh Rane : "नाहीतर अजून कठीण होईल..."; नितेश राणेंनी मंत्रि‍पदाची शपथ घेताच निलेश राणेंचा उद्धव ठाकरेंना इशारा