Maharashtra News Live Update: पुण्यात आज काँग्रेस नेते राहुल गांधी यांचा ‘छात्रों की गूंज’ कार्यक्रम

शिवसेना UBT पक्षाचं उद्या तिरंगा आंदोलन होणार आहे. आदित्य ठाकरेंच्या नेतृत्वाखाली मुंबईतील मैदाने वाचवण्यासाठी संध्याकाळी 5 वाजता हे तिरंगा आंदोलन होणारआहे.

लग्न जमवण्याचे आमिष दाखवून स्मशानात अघोरी पूजा करणारा नाशिकमधील भोंदू विशाल खडांगळेला अटक करण्यात आली आहे. पीडित महिलेकडून 77 हजार रुपये लुटले असल्याचे तक्रारीत म्हटले आहे. अशोक खरातनंतर नाशिकमध्ये भोंदूगिरीचा 12वा गुन्हा करण्यात आला आहे.

पुण्यात काँग्रेस आणि अभाविपमध्ये झालेल्या वादात काँग्रेसचे दोन कार्यकर्ते जखमी झाले असून जखमींवर संचेती रुग्णालयात उपचार सुरु आहे. काँग्रेस नेत्यांनी रुग्णालयात जाऊन जखमींची भेट घेतली.

पुण्यातील COEP महाविद्यालयात अखिल भारतीय विद्यार्थी परिषद (अभाविप) आणि काँग्रेसच्या युवक संघटनेच्या कार्यकर्त्यांमध्ये झालेल्या वादानंतर शिवाजीनगर पोलीस ठाण्यात काँग्रेस कार्यकर्त्यांविरोधात गुन्हा दाखल करण्यात आलाय. अभाविपच्या तक्रारीनंतर पोलिसांनी ही कारवाई केली.