Lok Sabha Election 2024 Result : मोठा दणका! 20 खासदारांना बसवलं घरी, भाजपचे 12 जण, शिंदे गटाचे किती?

Sitting MP defeated Raosaheb Danve Sujay Vikhe-Patil : रामटेक मतदारसंघात विद्यमान खासदाराला डावलून राजू पारवे यांना उमेदवारी देण्यात आली. मात्र, काँग्रेस उमेदवाराने त्यांचा पराभव केला.

Sitting MP defeated Raosaheb Danve Sujay Vikhe-PatilSarkarnama

Ramtek Lok Sabha Election 2024 : लोकसभा निवडणुकीच्या निकालात महाराष्ट्रात महाविकास आघाडीने भाजपचा धुव्वा उडवला. लोकसभा निवडणुकीच्या रिंगणात असलेल्या विद्यमान खासदारांमध्ये तब्बल 20 जणांना पराभवाचा सामना करावा लागला. विशेष म्हणजे या 20 खासदारांमध्ये 12 जण भाजपचे आहे. भाजपच्या विद्यमान 3 केंद्रीय मंत्र्यांचा देखील पराभव झाला.

भाजपने आणि शिंदे गटाने काही ठिकाणी विद्यमान खासदारांना तिकीट नाकारत तेथे उमेदवार बदलले मात्र त्याचा ही फायदा झालेला नाही. प्रतिम मुंडे यांना तिकीट नाकारून त्यांची बहिण पंकजा मुंडे यांना दिले मात्र त्यांचा पराभव झाला. तर, यवतमाळ मतदारसंघात भावना गवळी यांनी शिंदे गटाने तिकीट न देता अर्चना पाटील यांना दिले. मात्र, त्यांचाही पराभव झाला.

रामटेक मतदारसंघात विद्यमान खासदाराला डावलून राजू पारवे यांना उमेदवारी देण्यात आली. मात्र, काँग्रेस उमेदवाराने त्यांचा पराभव केला. तर पूनम महाजन यांना तिकीट न देता भाजपने उज्वल निकम यांना दिले. मात्र, काँग्रेसच्या वर्षा गायकवाड यांनी त्यांचा पराभव केला.