TET Exam : टीईटी परीक्षा पेपर फोडण्याचे प्रयत्न कोल्हापूर पोलिसांनी नुकताच पर्दाफाश केला. यात काही शिक्षक, अॅकॅडमी चालक आणि अन्य काही जणांना अटक झाली आहे. या प्रकरणातील मुख्य सूत्रधार महेश गायकवाड आणि त्याचा भाऊ संदीप गायकवाड याने यापूर्वीही काही पेपर फोडले असावेत, त्यातून अनेक जण वेगवेगळ्या ठिकाणी भरती झाले असावेत, अशी शंका पोलिसांना आहे.
या प्रकरणात पोलीस राजकीय संबंधांचाही तपास करत असल्याची माहिती आहे. महेश आणि संदीप गायकवाड यांचा भाऊ प्रमोद गायकवाड हे सातारा भाजपचा जिल्हा उपाध्यक्ष आहेत, त्यामुळे या प्रकरणात काही राजकीय वरदहस्त होता का? प्रमोद गायकवाड यांचा अॅकॅडमी आणि या पेपर फोडीशी काही संबंध आहे का? या दिशेनेही पोलीस तपास करण्याची शक्यता आहे.
नोकरी मिळालेल्यांची वाढली धाकधूक :
महेश गायकवाड व संदीप गायकवाड यांची बेलवाडी (ता. कराड) जय हनुमान करिअर अॅकॅडमी आहे. या अ‍ॅकॅडमीमधून अनेक उमेदवारांना विविध संधी उपलब्ध करून दिल्या आहेत. दोघेही पेपर फुटीतून भरती करत होते, अशी शंका पोलिसांना आहे. त्यामुळे गेल्या चार वर्षांत या अकॅडमीतून बाहेर पडलेले जे नोकरीत नियुक्त आहेत त्यांच्याकडेही चौकशी होणार आहे.
बिहारमधून मिळाल्या प्रश्नपत्रिका?
या प्रकरणात पोलिसांना बिहार कनेक्शन सापडले आहे. बिहारच्या रितेशकुमार याचे नाव पोलिस तपासात समोर आले आहे. मुख्य संशयित गायकवाड बंधूंना त्याने प्रश्नपत्रिका पुरविल्या. यापूर्वीही वेगवेगळ्या परीक्षांचे पेपर पुरविण्याचे काम या रितेशकुमारकडून झाले आहे.त्याच्या शोधासाठी पोलिसांचे पथक पुण्याला रवाना झाले.
लाभार्थ्यांची संख्या पावणेदोनशेवर :
पोलिसांनी महेश गायकवाड, एजंट राहुल पाटील यांच्या मोटारी, अन्य संशयितांचे 20 मोबाईल, परीक्षा केंद्रावरील साहित्य, कोरे धनादेश यांसह काही कागदपत्रे असा सुमारे 30 लाखांचा मुद्देमाल जप्त केला. या मोबाईलमधील माहितीच्‍या आधारे आणखी काही नावे समोर येण्याची शक्यता आहे.
टीईटी पेपर फुटीच्या आधी जवळपास 180 हून अधिक जणांनी अटकेतील संशयितांसोबत संपर्क साधला होता. या सर्वांनी कोणत्या कारणांसाठी फोन केले होते, याची माहिती घेण्याचे काम सुरू आहे. घटनास्थळीही पोलिसांना नावांची यादी मिळाली होती. त्यांच्याकडून किती पैसे घेण्यात आले, याचाही शोध सुरू आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
