मोठी बातमी : मराठा बांधवांचं आंदोलन आजच संपणार? विखे पाटील अंतिम मसुदा घेऊन जरांगेंना भेटले

Mumbai News : मराठा समाजाला ओबीसीतून आरक्षण मिळावे यासाठी मनोज जरांगे यांचे गेल्या पाच दिवसांपासून मुंबईत आमरण उपोषण सुरु आहे. मुंबई पोलिसांपाठोपाठ उच्च न्यायालयाने दुपारी तीन वाजेपर्यंत मुंबई रिकामी करण्यास सांगितली आहे. तुमच्याकडे आंदोलनाची परवानगी नसेल तर तात्काळ जागा खाली करा नाहीतर 3 वाजता उच्च न्यायलय या संदर्भात आदेश काढेल असे हायकोर्टाने सांगितले आहे. तर दुसरीकडे उपसमितीचे अध्यक्ष राधाकृष्ण विखे पाटील यांनी उपसमिती बैठकीत आरक्षणाबाबत अंतिम मुसदा तयार केला असून हा मसुदा आझाद मैदानावर जाऊन मनोज जरांगे यांच्याकडे सोपवला. त्यामुळे मराठा बांधवांचं आंदोलन आजच संपणार का? याकडे लक्ष लागले आहे.

उपसमितीची सोमवारी सकाळी बैठक पार पडली. त्यामध्ये अंतिम मुसदा तयार करण्यात आला आहे. थोड्याच वेळात हा मसुदा आझाद मैदानावर जाऊन त्यांच्याकडे सोपविण्यात येणार आहे. मंत्रिमंडळाच्या उपसमितीने मुसदा तयार केला आहे. त्यावर उपसमितीच्या बैठकीत चर्चा झाली असल्याचे विखे पाटील यांनी सांगितले.

विखे पाटील (Radhakrishn vikhe patil ) यांच्यासोबतच उपसमितेचे सदस्य मनोज जरांगे पाटील यांची भेट घेणार आहोत. त्यांच्यासोबत यावेळी सकारात्मक चर्चा होईल, असा विश्वास त्यांनी व्यक्त केला. राज्य सरकार आरक्षणाबाबत सकरात्मक आहे. त्यामुळे यावर चर्चेअंती तोडगा निघेल, असा विश्वास व्यक्त केला.

मुंबई पोलिसांपाठोपाठ उच्च न्यायालयाने दुपारी तीन वाजेपर्यंत मुंबई रिकामी करण्यास सांगितली आहे. त्यावर प्रतिक्रिया व्यक्त करताना विखे पाटील म्हणाले, कोर्ट त्यांच्या निर्देशानुसार कारवाई करेल, असे स्पष्ट केले.

दरम्यान, सोमवारी दुपारी सरकारच्या शिष्टमंडळाने मनोज जरांगे यांची भेट घेतली. यावेळी मंत्री राधाकृष्ण विखे-पाटील, मंत्री जयकुमार गोरे, माणिकराव कोकाटे, शिवेंन्द्रराजे भोसले यांनी भेट घेतली. यावेळी त्यांच्याशी चर्चा केली.