Maratha Reservation News : मनोज जरांगे पाटील यांच्या मराठा आरक्षणासाठीच्या बेमुदत उपोषणाचा आज पाचवा दिवस आहे. सरकार यावर कसा तोडगा काढण्यासाठी मसुदा तयार करत असल्याची चर्चा असतानाच पोलिसांनी मोठे पाऊल उचलले आहे. आझाद मैदान खाली करण्यासाठी पोलिसांनी मनोज जरांगे पाटील यांना नोटीस बजावली आहे. लवकरात लवकर मैदान खाली करा, असे नोटीसीमध्ये म्हटले आहे.
आझाद मैदान पोलिसांनी कोर्टात सांगितले होते की आंदोलनासाठी केवळ एकच दिवसाची परवानगी दिली होती. मात्र, शनिवार आणि रविवार असे दोन दिवस बेकायदा आंदोलन करण्यात आले. त्यावर पोलिसांनी नियमांचे उल्लंघन होत असल्याबाबत तुम्ही नोटीस बजावली होती का? असा प्रश्न विचारला होता.
आज (मंगळवारी ) आझाद मैदान पोलिसांनी थेट नोटीस पाठवत थेट मैदान करण्याचे खाली करण्यास सांगितले आहे. जरांगे यांनी कालपासून पाणी न घेता उपोषण करत आहेत. त्यामुळे मराठा आंदोलक आज मैदान खाली करणार का? असा प्रश्न उपस्थित केला जातोय. आंदोलनाच्या कोअर कमिटीमध्ये असलेल्या सदस्यांकडून आम्हाला अजून नोटीस मिळाली नसल्याचे सांगितले जात आहे.
जरांगे पाटील यांनी जे हमीपत्र दिले होते त्याचे पालन त्यांनी केले नाही. त्यांनी उपोषण करणार नसल्याचे म्हटले होते. मात्र, ते उपोषण करत असल्याचे सरकारकडून कोर्टात सांगण्यात आले. दरम्यान, आंदोलनासाठी केवळ सकाळी नऊ ते सायंकाळी सहापर्यंतच परवानगी असताना रात्री देखील आंदोलक तिथेच थांबत असल्याचे सरकारकडून कोर्टात सांगण्यात आले होते.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.