Sanjay Shirsat On Babri : बाबरी पाडायला गेले ते सगळे कारसेवक, त्यांना पक्षाच्या चौकटीत आणू नका..

Shivsena : बाबरी मशीद पाडली तेव्हा तिथे एकही शिवसैनिक नव्हता, बाळासाहेब ठाकरे यांचा देखील या आंदोलनाशी संबंध नव्हता, असा दावा उच्च व तंत्रशिक्षण मंत्री चंद्राकंत पाटील (Chandrakant Patil) यांनी केला. याचे राजकीय पडसाद आता उमटायला लागले आहेत. ठाकरे गट भाजप व शिंदे गटावर तुटून पडलेला असतांना आता आमदार संजय शिरसाट यांनी देखील यावर आपली भूमिका स्पष्ट केली.

बाबरी पाडताना तिथे शेकडो शिवसैनिक होते, परंतु बाबरी पाडण्याचे आंदोलन हे कोणत्याही एक पक्षाचे नव्हते, तर ते राम भक्तांचे, समस्थ हिंदूंचे होते. (Shivsena) अयोध्येत तेव्हा कारसेवा झाली होती, त्याला कोणत्याही राजकीय चौकटीत बांधू नका. चंद्रकात पाटील यांनी बाबरी संदर्भातील वक्तव्य करायला नको होते. रामल्लांचा राजकारणासाठी वापर केला जावू नये, अशी अपेक्षा संजय शिरसाट (Sanjay Shirsat) यांनी व्यक्त केली.

राम जन्मभूमीचे आंदोलन कोणत्याही एका पक्षाचे नव्हते. देशभरातील हिंदू या आंदोलनात सहभागी झाले होते. त्यामुळे याला पक्षाच्या चौकटीत आणणे चुकीचे ठरेल. ज्यांनी राम मंदिराच्या आंदोलनात आपले प्राण गमावले त्यांचाही तो अपमान ठरेल. तेव्हा कारसेवा झाली म्हणून आज राम मंदिर उभे राहत आहे.

मोरेश्वर सावे यांच्या नेतृत्वाखाली आम्ही कारेवक त्या आंदोलनात सहभागी झालो होतो. त्यामुळे त्यांच्यावर गुन्हा दाखल झाला होता. या सगळ्या आंदोलन प्रकरणात बाळासाहेब ठाकरे यांच्यावरही गुन्हा दाखल करण्यात आला होता. चंद्रकांत पाटील यांना याचा बहुदा विसर पडला असेल, असा चिमटा देखील शिरसाट यांनी काढला.