Dhananjay Munde: धनंजय हा गुन्हेगार नाही; नामदेव शास्त्री यांच्याकडून मुंडेंची पाठराखण

Beed, Jan 2025: मस्साजोगचे सरंपच संतोष देशमुख यांच्या हत्येप्रकरणातील आरोपी वाल्मिक कराड यांचे निकटवर्तीय असलेले मंत्री धनंजय मुंडे सध्या वादाच्या भोवऱ्यात सापडले आहेत.

त्यांनी भगवान गड येथे नामदेव शास्त्री यांची भेट घेतली. त्यानंतर नामदेव शास्त्री यांनी पत्रकार परिषद घेत मुंडे यांची पाठराखण केली. धनंजय मुंडे गुन्हेगार नाही, हे मी शंभर टक्के सांगतो. जाणीवपूर्वक त्यांना त्रास दिला जात आहे, असे नामदेव शास्त्री म्हणाले.

धनंजय मुंडे यांनी घर फुटल्यापासून त्याने खूप काही सहन केले आहे. ते ५३ दिवसापासून प्रचंड त्रास सहन करीत आहेत. खंडणीवर जगणारे मुंडे नाहीत.

त्यांची पार्श्वभूमी गुन्हेगारीची नाही, गोपीनाथ मुंडे यांचा तो पुतण्या आहे. त्यांचे मित्र राजकारणात आहे.आज मुंडेंच्या हाताला सलाईन आहे, संवेदनशील मुद्दावरुन राजकारण करणं ही चुकीची पद्धत आहे, असे नामदेव शास्त्री यांनी स्पष्ट केले.

गुरुवारी बीड जिल्हा नियोजन समितीच्या बैठकीनंतर धनंजय मुंडे हे रात्री भगवान गड येथे आहे. ते भगवान गड येथे ते मुक्कामी आहे. आज ते भगवान बाबा यांच्या समाधीचं दर्शन घेणार आहे.

सामाजिक कार्यक्रर्त्या अंजली दमानिया यांनी तीव्र प्रतिक्रिया दिली आहे. मुंडेंची दुसरी बाजू नामदेव शास्त्री यांना माहीत नाही, मुंडे यांच्याबाबते कागदपत्र त्यांना पाठविण्यात येतील. नामदेव शास्त्री यांनी भगवान गडावरुन पत्रकार परिषद घ्यायला नको होते, असे दमानिया यांनी म्हटलं आहे.