छत्रपती संभाजीनगर महापालिका निवडणुकीपूर्वी महापौर व नगरसेवकांसाठी दालन व सभागृहावर तब्बल सात कोटींचा खर्च केला जात आहे.
या खर्चावरून चर्चा सुरू आहे.
निवडणुकीच्या पार्श्वभूमीवर झालेला हा खर्च अनावश्यक असल्याची टीका होत आहे.
Chhatrapati Sambhajinagar News : महापालिकेतील नगरसेवकांची तब्बल एक टर्म बुडाल्यानंतर आता कुठे निवडणुकीचा मार्ग मोकळा झाला आहे. ओबीसी आरक्षणचा मुद्दा निकाली काढत सुप्रीम कोर्टाने जानेवारी अखेरपर्यत स्थानिक स्वराज्य संस्थांच्या निवडणुका संपवण्याचे निर्देश राज्य सरकारला दिले आहेत. त्यामुळे निवडणुकांची लगबग सुरू झाली असून छत्रपती संभाजीनगर महापालिका नव्या नगरसेवकांच्या तयारीसाठी सज्ज झाली आहे.
महापालिकेतील (Municipal Corporation) पदाधिकाऱ्यांच्या दालनासह सर्वसाधारण सभेसाठीच्या सभागृहाचे नुतनीकरण युद्धपातळीवर सुरू आहे. यासाठी सात कोटी रुपये खर्च करण्यात येत आहेत. सभागृहाच्या नुतनीकरणाचे काम गेल्या दोन वर्षापासून सुरू आहे. निवडणुकाच होत नसल्याते ते संथ गतीने सुरू होते, आता मात्र त्याला वेग देण्यात आला आहे. महापौर, उपमहापौरांसह इतर पदाधिकाऱ्यांसाठी आवश्‍यक दालनांचे सुशोभीकरण केले जात आहे.
नवे पदाधिकारी खुर्चीत बसताच दालनांच्या सुशोभीकरणावर उधळपट्टी करतात. पण, पदाधिकारी येण्यापूर्वीच प्रशासनाने दालनांवर खर्च सुरू केला आहे. सर्वसाधारण सभेच्या सभागृहासह इतर दालनांवर तब्बल सात कोटी रुपयांचा खर्च केला जात असल्याचे सूत्रांनी सांगितले. सर्वोच्च न्यायालयाने जानेवारीअखेरीपर्यंत स्थानिक स्वराज्य संस्थांच्या निवडणुका (Local Body Election) घेण्याचे आदेश दिले आहेत. त्यानुसार निवडणूक आयोगासह शासन आवश्‍यक तयारी पूर्ण करत आहे.
असे असतानाच महापालिका प्रशासनानेही पदाधिकाऱ्यांच्या स्वागताची तयारी सुरू केली आहे. छत्रपती संभाजीनगर महापालिकेतील नगरसेवकांचा कार्यकाळ 2020 मध्ये संपला. पण, सुरवातीला कोरोना संसर्ग, त्यानंतर ओबीसी आरक्षणामुळे निवडणूक लांबणीवर पडत गेली. त्यामुळे गेल्या पाच वर्षांपासून महापालिकेवर प्रशासकांची एकहाती सत्ता आहे. या काळात पदाधिकाऱ्यांची दालने बंद होती.
दरम्यान, प्रशासनाने सुरवातीला सर्वसाधारण सभा, स्थायी समिती सभागृहाच्या नूतनीकरणाचे काम सुरू केले होते. त्यासोबतच आयुक्तांचे दालन, अतिरिक्त आयुक्त 1 आणि 2 यांच्यासाठीचे दालन तयार करण्यात आले. त्यासोबतच महापौर, उपमहापौर, स्थायी समिती सभापती, सभागृह नेता, विरोधी पक्षनेता यासह पदाधिकाऱ्यांच्या दालनांचीही दुरुस्ती सुरू करण्यात आली.
जानेवारीत निवडणुकीचा धुराळा?
महापालिका निवडणुकीसाठी सध्या प्रभाग रचना अंतिम करण्याचे काम सुरू आहे. साधरणत जानेवारी 2026 मध्ये महापालिका निवडणुकीचा धुराळा उडू शकतो, अशी शक्यता वर्तवली जात आहे. त्यानुसार दालनांची कामे केली जात आहेत. पदाधिकाऱ्यांच्या दालनांच्या नूतनीकरणावर 70 लाख रुपये, तर जीबी हॉलच्या नूतनीकरणासाठी सहा कोटी रुपये खर्च होणार असल्याचे सूत्रांनी सांगितले.
प्रश्न 1. महापालिका निवडणुकीपूर्वी किती खर्च करण्यात आला?
सात कोटी रुपयांचा खर्च.
प्रश्न 2. हा खर्च नेमका कुठे करण्यात आला?
महापौर, नगरसेवक दालन व सभागृहावर.
प्रश्न 3. हा खर्च कोणत्या शहरात झाला?
छत्रपती संभाजीनगर (औरंगाबाद) येथे.
प्रश्न 4. नागरिकांची या खर्चावर काय प्रतिक्रिया आहे?
नागरिक नाराज असून खर्चावर प्रश्नचिन्ह उपस्थित करत आहेत.
प्रश्न 5. या खर्चाला राजकीय स्वरूप का दिले जात आहे?
कारण हा खर्च थेट महापालिका निवडणुकीच्या पार्श्वभूमीवर केला गेला आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.