मुख्यमंत्री शिंदेंचा सत्तारांना जाहीर सभेत माफी मागण्याचा आदेश?

औरंगाबाद : राज्याचे कृषीमंत्री अब्दुल सत्तार यांनी राष्ट्रवादीच्या नेत्या खासदार सुप्रिया सुळे यांच्याबद्दल अपशब्द काढल्याने एका नव्या वादाला तोंड फुटले आहे. सिल्लोड येथे एका वृत्तवाहिनीशी बोलताना सत्तार यांनी सुप्रिया सुळे यांच्याबद्दल अभद्र भाषा वापरली. यावरून राष्ट्रवादी चांगलीच आक्रमक झाली आहे. (Eknath Shinde-Abdul Sattar Latest News)

दरम्यान, हे प्रकरण आणखी चिघळण्याआधीच मंत्री सत्तारांनी सिल्लोडला होणाऱ्या सभेत त्यांनी जाहीर माफी मागावी,असा आदेशच मुख्यमंत्री एकनाथ शिंदे यांनी मंत्री सत्तारांना दिल्याचे समजते. काही वेळातच खासदार श्रीकांत शिंदे यांची सभा होणार आहे. या सभेत सत्तार (Abdul Sattar) माफी मागून या वादावर पडदा टाकतील, असे बोलले जात आहे.