Beed News : बडतर्फ पोलीस अधिकारी सुनील नागरगोजे यांनी सोमवारी रात्री गळफास घेऊन आत्महत्या केल्याचा प्रकार उघडकीस आला. नागरगोजे यांच्या मृत्यूमुळे पोलीस दलात खळबळ उडाली असतानाच आमदार धनंजय मुंडे यांनी नागरगोजे यांच्या आत्महत्येबद्दल दुःख व्यक्त करत त्यांना श्रद्धांजली वाहिली.
एक खमक्या पोलीस अधिकारी म्हणून आपली कारकीर्द गाजवलेले आमचे स्नेही सुनील (बंडू) नागरगोजे यांनी आपली जीवनयात्रा संपवण्याचा अत्यंत चुकीचा निर्णय घेतला. नोकरी गेली तरीही आपल्या तत्वांशी तडजोड न करणाऱ्या व्यक्तीने असे टोकाचे पाऊल उचलावे, याचे आश्चर्य आणि तितकेच दुःख आहे. मी नागरगोजे कुटुंबियांच्या दुःखात सहभागी आहे, भावपूर्ण श्रद्धांजली अशा शब्दा धनंजय मुंडे (Dhananjay Munde) यांनी आपल्या भावना व्यक्त केल्या आहेत.
सेवेतून बडतर्फ केल्यामुळे बदनामी होत असल्याने तणावातून पोलीस निरीक्षक नागरगोजे यांनी हे टोकाचे पाऊल उचलल्याचे बोलले जाते. सुनील नागरगोजे हे धनंजय मुंडे यांच्या परळी मतदारसंघातील नागदरा या गावाचे मुळ रहिवासी होते. (Beed News) गणपती आणि महालक्ष्मीच्या सणासाठी नागरगोजे कुटुंबिय नागदरा या मूळगावी गेले असताना अंबाजोगाई येथे काल रात्री 8 वाजता त्यांनी गळफास लावून घेत आत्महत्या केली.
सुनील नागरगोजे यांनी परभणी, लातूर आणि बीड या जिल्ह्यांमध्ये सेवा बजावली होती. लातूर येथे त्यांनी स्थानिक गुन्हे शाखेचा पदभारही सांभाळला होता. परभणी येथे कार्यरत असताना त्यांचा पोलीस अधीक्षकांशी मोठा वाद झाला होता. यातून नागरगोजे यांनी शिवीगाळ केल्याचा त्यांच्यावर ठपका ठेवण्यात आला होता. याची विभागीय स्तरावर चौकशी सुरू होती. त्यानंतर त्यांची बीडच्या नियंत्रण कक्षात बदली करण्यात आली होती. तिथेही नागरगोजे यांनी एका कर्मचाऱ्याशी वाद आणि त्यातून शिवीगाळ केल्याचा त्यांच्यावर आरोप होता.
या दोन्ही प्रकरणामुळे नागरगोजे अडचणीत आले होते. एप्रिल 2025 मध्ये त्यांच्यावर बडतर्फीची कारवाई करण्यात आली. या कारवाईने त्यांना धक्का बसला आणि तेव्हापासून ते कायम तणावात असयाचे. या तणावातूनच त्यांनी टोकाचे पाऊल उचलंत गळफास लावून घेतल्याचे बोलले जाते. अंबाजोगाईत नागरगोजे यांच्या नवीन घराचे बांधकाम सुरू आहे. त्यामुळे त्यांनी अंबाजोगाईमध्येच भाड्याच्या घरात राहत होते. त्यांची मुलं पुण्यात शिक्षण घेतात, तर घरातील इतर सदस्य सणासाठी मुळगावी गेले होते.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.