मुख्यमंत्री एकनाथ शिंदे यांच्या छत्रपती संभाजीनगर दौऱ्यानंतर शिवसेना अॅक्टीव्ह मोडमध्ये आली असून संघटनात्मक फेरबदल सुरू झाले आहेत.
मराठवाड्यातील नेत्यांना नव्या जबाबदाऱ्या दिल्या जात आहेत आणि आगामी निवडणुकांसाठी संघटना बळकट केली जात आहे.
शिंदे यांच्या दौऱ्यामुळे कार्यकर्त्यांमध्ये उत्साह वाढला असून शिवसेनेत नव्या नेतृत्वाचे संकेत दिसत आहेत.
योगेश पायघन
Marathwada Political News : शिवसेनेचे मुख्य नेते तथा राज्याचे उपमुख्यमंत्री एकनाथ शिंदे यांच्या छत्रपती संभाजीनगर दौऱ्यांनतर पक्ष संघटनेते मोठे फेरबदल करण्यात आले आहेत. नव्या नियुक्त्यांसह ग्रामीणच्या वैजापूर-कन्नड-गंगापूर मतदारसंघाची जबाबदारी असलेल्या जिल्हाप्रमुख पदावरून भरतसिंग राजपूत यांना हटवण्यात आले आहे. त्यांच्याऐवजी आमदार रमेश बोरनारे यांचे समर्थक बाबासाहेब जगताप यांची नियुक्ती करण्यात आली आहे.
आगामी स्थानिक स्वराज्य संस्था निवडणुकीची तयारी आणि संघटनात्मक फेरबदल करत एकनाथ शिंदे (Eknath Shinde) यांची शिवसेना अॅक्टीव्ह मोडमध्ये आली आहे. तीन माजी आमदार, एक माजी महापौर यांना सहसंपर्कप्रमुख आणि लोकसभा प्रभारी पदाची जबाबदारी सोपवल्यानंतर महापालिका निवडणुकीसाठीची समन्वय समिती, ग्रामीणच्या जिल्हाप्रमुख पदातील बदल पाहता शिवसेनेने जोरदार तयारी सुरू केल्याचे चित्र आहे.
निष्क्रीय लोकांना बाजूला सारून येत्या स्थानिक स्वराज्य निवडणूकीत सक्रीय आणि काम करू शकणाऱ्यांना जबाबदारी देण्यात आल्याची चर्चा या निमित्ताने होत आहे. एकनाथ शिंदे यांनी वैजापुर, गंगापुर आणि कन्नड मतदार संघाची जबादारी असलेल्या भरतसिंग राजपुत यांना हटवून त्यांच्या जागी वैजापुरचे आमदार रमेश बोरणारे (Ramesh Bornare) यांचे कट्टर समर्थक मानले जाणारे बाबासाहेब जगताप यांच्याकडे या तीन मतदार संघाच्या प्रभारी जिल्हाप्रमुख पदाची जबाबदारी सोपवली आहे.
सक्रीय पदाधिकाऱ्यांनाच पदावर ठेवण्यात येईल, त्यानुसार काही बदल होतील असे पहिल्या पदाधिकारी आढावा बैठकीत नेत्यांनी स्पष्ट केले होते. तर कार्यकारणी मजबुत करण्यासाठी काही निर्णयही तातडीने शिवसेनेकडून घेण्यात आले आहेत. जिल्ह्याची जबाबदारी पालकमंत्र्यांकडे सोपवून इतर आमदार, खासदार समर्थकांनाही खुश करण्याचा प्रयत्न शिंदे यांनी नव्या नियुकत्यांमधून केल्याचे दिसते.
खासदार संदिपान भुमरे यांचे पुत्र आमदार विलास भुमरे यांच्याकडे फुलंब्री पैठण आणि सिल्लोड सोयगाव मतदार संघाची जबाबदारी गेल्या महिन्यात सोपवण्यात आली. तसेच शहरातील तिन्ही मतदार संघाचे नेतृत्व राजेंद्र जंजाळ करित आहे. दरम्यान, पक्ष फुटीनंतर ग्रामीणचे जिल्हाप्रमुख बनलेले भरतसिंग राजपुत यांना हटवून त्यांच्या जागी बाबासाहेब जगताप यांना तीन विधानसभेची जबाबदारी असलेल्या ग्रामीण जिल्हाप्रमुख पदाची जबाबदारी देण्यात आली आहे.
महापालिकेसाठी समिती जाहीर
महापालिका निवडणूकीच्या अनुशंगाने शिवसेनेकडून समन्वय समिती जाहीर झाली आहे. या समन्वय समितीमध्ये पालकमंत्री संजय शिरसाट, खासदार संदिपान भुमरे, आमदार प्रदिप जैस्वाल, मराठवाडा सचिव ॲड. अशोक पटवर्धन यांचा मुख्य मार्गदर्शक म्हणून समावेश करण्यात आला आहे. तर समन्वय समिती सदस्यांत जिल्हाप्रमुख राजेंद्र जंजाळ, माजी आमदार किशनचंद तणवाणी, सहसंपर्कप्रमुख विकास जैन, त्र्यंबक तुपे, माजी महापौर नंदकुमार घोडेले, युवासेना मराठवाडा निरीक्षक ऋषिकेश जैस्वाल या सहा सदस्यांचा समावेश करत समतोल साधण्यात आला आहे.
Q1. एकनाथ शिंदे यांचा संभाजीनगर दौरा कशासाठी झाला होता?
➡️ शिवसेना संघटन मजबूत करणे आणि स्थानिक नेत्यांशी संवाद साधणे हा मुख्य उद्देश होता.
Q2. या दौऱ्यानंतर काय बदल झाले आहेत?
➡️ शिवसेनेत काही नवीन नियुक्त्या, जबाबदाऱ्या आणि संघटनात्मक फेरबदल करण्यात आले आहेत.
Q3. कोणत्या नेत्यांना जबाबदाऱ्या देण्यात आल्या आहेत?
➡️ मराठवाड्यातील प्रमुख नेते आणि नवे प्रवेश केलेले कार्यकर्ते यांना महत्वाची जबाबदारी देण्यात आली आहे.
Q4. या बदलांचा राजकीय परिणाम काय होऊ शकतो?
➡️ शिवसेनेचा मराठवाड्यातील जनाधार वाढण्याची शक्यता आहे आणि निवडणुकांपूर्वी पक्ष बळकट होईल.
Q5. कार्यकर्त्यांची प्रतिक्रिया कशी आहे?
➡️ कार्यकर्त्यांमध्ये उत्साह असून शिंदेंच्या नेतृत्वावर विश्वास दाखवला जात आहे.
सरकारनामाचे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.