मोठी बातमी ! काँग्रेसचा माजी आमदार अडचणीत; छत्रपती संभाजीनगर पोलिसांनी उचलले मोठे पाऊल, काय आहे प्रकरण?

Chatrapati SambhajiNagar News : अजिंठा अर्बन बँकेत 2006 ते 2023 दरम्यान 97 कोटी 41 लाख रुपयांच्या घोटाळा झाल्याचे उघड झाले होते. या प्रकरणी माजी आमदार सुभाष झांबड यांच्यावर सीटीचौक पोलिस ठाण्यात दोन वेगवेगळे गुन्हे दाखल झाले होते. पहिला गुन्हा हा ऑक्टोबर 2023 मध्ये दाखल असून दुसरा गुन्हा हा नोव्हेंबर 2024 मध्ये नोंदवण्यात आला होता. मात्र, गेल्या काही महिन्यांपासून पोलिसांकडून त्यांचा शोध घेतला जात होता. 21 जानेवारीला न्यायालयाने त्यांचा जामीन अर्ज फेटाळला होता. त्यानंतर शुक्रवारी पोलिसांनी झांबड यांनी पोलिसांनी छत्रपती संभाजीनगरमधून ताब्यात घेतले.

अजिंठा बँक गैरव्यवहार प्रकरणी काँग्रेसचे (Congress) माजी आमदार सुभाष झांबड यांचा गेल्या काही महिन्यांपासून पोलिसांकडून शोध घेतला जात होता. 21 जानेवारीला न्यायालयाने त्यांचा जामीन अर्ज फेटाळला होता. तेव्हापासूनच झांबड यांच्या अटक होण्याची शक्यता वर्तवली जात होती. शहरातील अनेक भागात तसेच अनेक सोहळ्यांमध्येही ते दिसून आले होते. मात्र, आर्थिक गुन्हे शाखेला ते सापडलेच नव्हते. गेल्या काही महिन्यांपासून पोलिसांकडून त्यांचा शोध घेण्यात येत होता. शुक्रवारी सुभाष झांबड यांना पोलिसांनी छत्रपती संभाजीनगर येथून अटक केली.

2006 ते 2023 दरम्यान अजिंठा अर्बन बँकेत 97 कोटी 41 लाख रुपयांच्या घोटाळा झाल्याचे उघड झाले होते. या प्रकरणी माजी आमदार सुभाष झांबड (Subhash Jhamabd) यांच्यावर सीटीचौक पोलिस ठाण्यात दोन वेगवेगळे गुन्हे दाखल झाले आहेत. पहिला गुन्हा हा ऑक्टोबर 2023 मध्ये दाखल असून दुसरा गुन्हा हा नोव्हेंबर 2024 मध्ये नोंदवण्यात आला होता. पहिला गुन्हा दाखल झाल्यापासून सुभाष झांबड अटकपूर्व जामीनासाठी प्रयत्न करत होते.

यापूर्वी जिल्हा व सत्र न्यायालय आणि औरंगबाद खंडपीठात झांबड यांचा अटकपूर्व जामीन अर्ज फेटाळण्यात आला होता. माजी आमदार सुभाष झांबड यांच्यावर गुन्हा दाखल झाल्यानंतर अटकेच्या भीतीने ते फरार झाले होते. दरम्यान, माजी आमदार झांबड यांनी अटकपूर्व जामिनासाठी सर्वोच्च न्यायालयात दाखल केलेला विशेष अर्ज मागे घेतला होता.