IT Raid in Sambhajinagar : छत्रपती संभाजीनगरात बड्या व्यावसायिकांवर Income Tax ची छापेमारी; रडारवर कोण?

Chhatrapati Sambhajinagar : छत्रपती संभाजीनगरमध्ये आयकर विभागाकडून छापेमारी करण्यात येत आहे. शहरातील काही नामवंत व्यावसायिकांवर करचुकवेगिरी केल्यामुळे त्यांच्यावर ही छापेमारीची कार्यवाही करण्यात येत असल्याची प्राथमिक माहिती आहे. व्यावसायिकांच्या घरी ही छापेमारी करण्यात आली आहे, असे वृत्त एका मराठी वाहिनीने दिले आहे. (Latest Marathi News)

या व्यावसायिकांचे नावे अद्याप जरी पुढे आले नसले तरी छत्रपती संभाजीनगर शहरातील मोठे आणि नामवंत व्यावसायिकांची यात नावे असल्याची जोरदार चर्चा आहे. यामधील मोठ्या व्यावसायिकांची काही स्थानिक राजकीय नेत्यांशी जवळीक आणि त्यांचे निकटवर्तीय असल्याचीही चर्चा आहे. (Chhatrapati Sambhajinagar News)

छत्रपती संभाजीनगर शहरातील एकूण पाच ठिकाणांवर ही छापेमारीची धडक कारवाई सुरू असल्याचे दिसून येते. तब्बल २०० जणांची पथकं या कारवाईसाठी नियुक्त करण्यात आल्याची माहिती आहे. ही फार मोठी कारवाई आज छत्रपती संभाजीनगर शहरात घडून येत आहे. याबाबत पुढील काही वेळात आयकर विभागाकडून अधिक माहिती जाहीर होण्याची शक्यता आहे.

(Edited By - Chetan Zadpe)