Kannad Assembly Election : कन्नड तालुका विकासाच्या मुख्य प्रवाहात नेण्याचा माझा प्रयत्न : संजना जाधव

कन्नड : कन्नड मतदारसंघातील जनतेला आता परिवर्तन हवे आहे. सर्वांगीण विकासासाठी मुख्यमंत्री एकनाथ शिंदे यांच्या नेतृत्वाखाली विकासाच्या बाबतीत मागे पडलेला हा मतदारसंघ मला मुख्य प्रवाहात न्यायचा आहे. त्यासाठी मला तुमची साथ द्या, असे आवाहन कन्नड विधानसभा मतदारसंघाच्या महायुतीच्या उमेदवार संजना जाधव यांनी केले आहे.

विविध प्रचारसभा, काॅर्नर बैठकांमधून संजना जाधव मतदारांना परिवर्तनासाठी साद घालत आहेत. विधानसभा निवडणूक जन आशीर्वाद दौऱ्यानिमित्त मतदारसंघातील जनतेचा उदंड प्रतिसाद मिळत असून येणाऱ्या निवडणुकीत आपले मतदानरुपी आशीर्वाद माझ्या पाठीशी असावे. मतदारसंघात राज्याचे मुख्यमंत्री एकनाथजी शिंदे साहेब यांच्या नेतृत्वात विकासाच्या या प्रवाहात कन्नड विधानसभा मतदारसंघाला नेण्याचे माझे उद्दिष्ट असून, मायबाप जनतेची मला याकरिता निश्चित साथ लाभेल.

मतदारसंघाला प्रगतीच्या वाटेवर घेऊन जाण्यासाठी मी सर्वतोपरी प्रयत्न करणार व हा जनसभेचा वारसा असाच समर्थपणे चालू ठेवणार असल्याचे संजना जाधव यांनी सांगितले. मतदार संघामध्ये आता विकासाची गरज आहे त्यामुळे परिवर्तन घडले पाहिजे, असा निश्चय जनतेने केला आहे. जनतेच्या या पाठिंबा व आशीर्वादामुळे आपला विजय निश्चित आहे, याची खात्री पटली. यंदा जनतेला परिवर्तनाची तीव्र अपेक्षा आहे, तसेच मतदारसंघातील सर्वांगीण विकास आणि समाजातील प्रत्येक घटकाला न्याय मिळावा, अशी त्यांची मागणी आहे.

या अपेक्षांची पूर्तता करण्यासाठी, एक सक्षम पर्याय म्हणून मी त्यांच्या सेवेसाठी उभी आहे. माझ्या कार्यातून, मतदारसंघातील सर्व घटकांचा विकास सुनिश्चित करण्याची माझी कटिबद्धता आहे. एक लोकप्रतिनिधी म्हणून मतदारसंघाला सर्वांगीण विकासाच्या दृष्टिकोनातून पुढे नेण्यासाठी मी वाटचाल करीत असून तुमच्या आशीर्वाद व प्रेम माझ्या पाठीशी असावे.

राज्यातील महायुती सरकार हे जनतेच्या खात्यात थेट पैसा जमा करत असून विविध लोकहितकारी योजना राबवत जनतेला थेट फायदा देत आहे. येणाऱ्या काळात या विकास कामांच्या बळावर राज्यातील जनता महायुती सरकारला पुन्हा सत्तेत बसवणार व जनसेवेची संधी देणार, असा विश्वास संजना जाधव यांनी व्यक्त केला.