Nanded Political News : 'आता नाही तर कधीच नाही' अशी घोषणा करत माजी मुख्यमंत्री, स्वर्गीय वसंतदादा पाटील यांचे नातू विशाल पाटील यांनी आपले बंडाचे निशाणा कायम ठेवले. विशाल पाटलांच्या पवित्र्यामुळे सांगलीत महाविकास आघाडी (Mahavikas Aghadi) अडचणीत आली असून ठाकरे गटाचे उमेदवार चंद्रहार पाटील यांना फटका बसण्याची शक्यता आहे. या बंडखोरीवर शिवसेना (ठाकरे गट) पक्षप्रमुख उद्धव ठाकरे यांनी मोजक्या शब्दांत विषय संपवला आहे.
काँग्रेसचे उमेदवार नागेश आष्टीकर यांच्या प्रचारासाठी उद्धव ठाकरे (Uddhav Thackeray) नांदेडमध्ये आले होते. यावेळी उद्धव ठाकरेंनी प्रसारमाध्यमांशी संवाद साधला. तेव्हा, विशाल पाटलांच्या (Vishal Patil) बंडखोरी प्रश्न विचारल्यानंतर उद्धव ठाकरे म्हणाले, "विशाल पाटील महाविकास आघाडीचे नाहीत. त्यांनी बंडखोरी केली आहे. त्यांच्यावर काँग्रेस कारवाई करेल."
(राजकारणातील महत्त्वाच्या बातम्यांचे अपडेट्ससाठी सरकारनामाचे अधिकृत WhatsApp चॅनल फॉलो करा!)
"गद्दारी झाली नसती, तर महाविकास आघाडीचं सरकार महाराष्ट्राला पुढं घेऊन गेलं असतं. देशातीतल हुकूमशाहीविरोधात देशात लाट उसळली आहे. सगळ्यांच्या मनात घटना बदलतील अशी भीती आहे. गेल्या काही वर्षांची वाटचाल तशीच दिसत आहे," अशी चिंता उद्धव ठाकरेंनी व्यक्त केली.
"मोदींनी शिवसेनेला नकली सेना म्हटलं. पण, 'तुमच्या साताऱ्याबारील शिवसेनेचं नाव निवडणूक आयोगानं खोडलं. उद्या आमचा आमचा सातबारा खोडून उपऱ्यांची नावं लावली, तर आम्ही काय करायचं,' असा प्रश्न शेतकऱ्यांनी माझ्याकडे उपस्थित केला," असंही उद्धव ठाकरेंनी सांगितलं. "राज्यात महाविकास आघाडीचे 48 खासदार निवडून येतील," असा विश्वास उद्दव ठाकरेंनी व्यक्त केला.
Read Latest Marathi Political News, Breaking Political News from Maharashtra, India, Pune & Mumbai at Sarkarnama. To Get Live Political Marathi News on Mobile, Download the Sarkarnama Mobile App for Android and IOS. सरकारनामा आता सर्व सोशल मीडिया प्लॅटफॉर्मवर. ताज्या राजकीय घडामोडींसाठी फेसबुक, ट्विटर, इन्स्टाग्राम, शेअर चॅट, टेलिग्रामवर आणि व्हॉट्सॲप आम्हाला फॉलो करा. तसेच, सरकारनामा यूट्यूब चॅनेलला आजच सबस्क्राइब करा.
